Білім • Бүгін, 12:12

Наурыздағы ҰБТ: 117 талапкердің нәтижесі жойылды

10 рет
көрсетілді
1 мин
оқу үшін

Биылғы 2 наурызда басталған ҰБТ-ның алғашқы екі аптасында 67 мыңнан астам талапкер тестілеуден өтті. Бұл кезеңде білім алушылардың 66,99%-ы – қазақ тілінде, 32,88% – орыс тілінде, ал 85-і – ағылшын тілінде тест тапсырған, деп жазады Egemen.kz.

Наурыздағы ҰБТ: 117 талапкердің нәтижесі жойылды

Фото: Ғылым және жоғары білім министрлігі

Екі апталық ҰБТ қорытындысы бойынша талапкерлердің 61%-ы шекті балл жинады. Бес пән бойынша орташа балл – 59, ал ең жоғары нәтиже – 136 балл. Ерекше білім беру қажеттіліктері бар оқуға түсушілер үшін қолайлы жағдайлар жасалып, 192 талапкер арнайы мүмкіндікпен тестілеуге қатысқан.

Талапкерлер тест тапсырмаларын тест аяқталған соң 30 минут ішінде апелляцияға бере алады. Техникалық себептер туындаған жағдайда апелляция тікелей тестілеу кезінде қабылданады. Нәтижелері бар сертификаттар апелляция қарастырылған соң жеке кабинеттерде қолжетімді болады.

Елімізде наурыз айындағы ҰБТ басталды

Екі апталық тестілеу кезінде 117 ереже бұзушылық тіркелді. Оның ішінде 69 талапкер смартфон, шпаргалка және тыйым салынған заттарды алып кірмек болғаны үшін тестілеуден шеттетілді, тағы 48 адам аудиториядан шығарылады. Бұл тұлғалардың нәтижелері жойылды. Өзге адамдардың орнына кіру фактілері анықталған жоқ.

2026 жылғы ҰБТ аяқталғаннан кейін күнтізбелік жылдың 31 қазанына дейін бейнежазбаларға талдау жүргізіледі. Тыйым салынған заттарды пайдалану немесе ережелерді бұзу анықталған жағдайда ҰБТ нәтижелері жойылады.

Айта кету керек, тестілеуге қатысуға 184 мыңға жуық келіп түскен. Бұл ҰБТ-ның жоғары сұраныстағы және кең қамтылғанын көрсетеді.

Соңғы жаңалықтар