Жүздеген ұсыныстар арасынан Алматы қаласының тұрғыны ұсынған нұсқа таңдалды.
Зообақ әкімшілігінің хабарлауынша, есімді таңдау барысында желі қолданушыларының пікірлері есепке алынды. Амур жолбарыстары туралы жарияланған постқа шамамен 400 пікір келіп түсті.
«Есімдерді таңдау оңай болмады, бірақ «Жыртқыш сүтқоректілер» бөлімінің қызметкерлері өз таңдауын жасады», деп атап өтті зообақта.
Нәтижесінде кішкентай жолбарыстарға Алан, Арлан және Тарлан есімдері қойылды.
Жазылушыларға есімдер бірден ұнады. Көпшілігі олардың әдемі естілетінін және жолбарыстарға сай келетінін жазды.
Айта кетейік, Қаңтар айында Алматы хайуанаттар бағында Бентли мен Ярга атты жолбарыстар жұбында үш бірдей кішкентай төл өмірге келді.
