Фото: azattyq.org
67 жастағы зейнеткер полицияға арызданған. Ол өз атына шамамен 1,5 млн теңге көлемінде несие рәсімделгенін білмей қалған. Аталған факті бойынша қылмыстық іс қозғалды.
Жүргізілген жедел-тергеу шаралары нәтижесінде тәртіп сақшылары 36 жастағы бұрынғы банк менеджерін анықтады. Тергеу мәліметіне сәйкес, жәбірленуші бұған дейін несие рәсімдеу үшін банкке жүгініп, барлық қажетті құжаттарды тапсырған. Осы деректерді пайдаланған күдікті оның атына несие рәсімдеп, алайда әйелге банк несие беруден бас тартқанын айтқан. Ал мақұлданған қаражатты өз шоттарына аударған.
Қостанайда мектеп мұғалімі әріптестерінің атына несие рәсімдеген
Қарағанды облысы полиция департаменті бастығының бірінші орынбасары Қуаныш Орынбетовтің айтуынша, бұл іске қатысты барлық жәбірленушілер – зейнеткерлер. Қазіргі таңда полицияға осы күдіктінің әрекетіне қатысты тағы 6 арыз түскен. Құқық қорғау органдары қылмыстық істің барлық мән-жайын анықтау үшін тергеуді жалғастырып жатыр. Жалпы шығын көлемі әлі нақтыланады.
«Жұмысқа орналасуға көмектесемін»: Жетісу облысының тұрғыны танысының атына несие рәсімдеген
Бұл оқиға қаржы ұйымдары қызметкерлерінің жауапкершілігі мен азаматтардың жеке деректерін қорғау мәселесінің өзектілігін тағы бір мәрте көрсетті. Мамандар азаматтарға құжаттарын бөгде адамдарға сеніп тапсырмауға және қаржылық операциялар кезінде барынша сақ болуға кеңес береді.
