Фото: gov.kz
Конго-Қырым геморрагиялық қызбасына қарсы әлі күнге дейін вакцина жоқ. Ауруды жұқтырған адамның температурасы 39-40 градусқа дейін көтеріліп, бұлшықет және басы ауырады. Мамандар осы белгілерден кейін қан кетуін қауіпті жағдай екенін түсіндіріп отыр.
Аталған аурудан тек профилактика арқылы қорғануға болады. Әсіресе қауіп аймағында жиі болатын ауыл тұрғындары, жануарлармен байланыста болатын адамдар, медицина қызметкерлері мен эндемиялық аудандардағы тұрғындар сақтық шарасына жіті қарауы тиіс. Ал табиғатқа шыққан азаматтар үсті-басын жиі тексеруі керек.
Сондай-ақ жануарлардың жанына арнайы қорғаныс киімінде бару міндетті. Мал мен үй-жайларды арнайы құрылғылармен өңдеу де қауіпті сейілтеді. Кене шаққанда жәндікті өз бетінше алып тастауға болмайды әрі дереу дәрігерге хабарласу қажет.
