Қазіргі таңда жарылғыш зат қойылғаны немесе қоғамдық қауіпсіздікке қауіп төнгені туралы жалған хабарламалар интернет, мессенджерлер мен әлеуметтік желілер арқылы таралып жатыр. Тіпті әзіл ретінде жасалған мұндай әрекеттердің өзі ауыр салдарға әкелуі мүмкін.
Мамандардың айтуынша, жалған ақпарат жаппай эвакуацияға, мекемелердің жұмысының тоқтауына және шұғыл қызметтердің негізсіз жұмылдырылуына себеп болады. Сондықтан мұндай әрекеттер үшін кінәлілерге бас бостандығынан айыруға дейінгі жаза көзделген.
Министрлік барлық хабарламалар міндетті түрде тексерілетінін, ал оны таратқан тұлғалар заманауи технологиялар арқылы анықталатынын атап өтті.
Полиция азаматтарды тексерілмеген ақпаратты таратпауға, жалған хабарламалар жасамауға және балаларға мұндай әрекеттердің жауапкершілігін түсіндіруге шақырады. Ал күмәнді немесе қауіпті хабар алған жағдайда дереу құқық қорғау органдарына хабар беру қажет.
