Министрдің айтуынша, келіссөздердің ұзаққа созылуына Оңтүстік Кореядағы саяси өзгерістер себеп болған. Қазіргі таңда Қазақстан Оңтүстік Кореядағы шетелдіктер үшін еңбек миграцияцын реттейтін EPS жүйесіне қосылу бойынша екінші кезеңдегі келіссөздерді жүргізіп жатыр.
«Біз бірінші кезеңнен өттік. Алайда Оңтүстік Кореяда президент ауысуына байланысты процесс шамамен алты айға тоқтап қалды. Қазіргі уақытта келіссөздер қайта жанданды», деді министр.
EPS орталығын Алматы қаласында ашу жоспарланып отыр. Тараптар нысандарды қарап, таңдау жүргізген. Қазіргі уақытта жергілікті әкімдікпен бірлесіп орталықты ашу жұмыстары атқарылып жатыр. Егер барлық келісімдер жүзеге асса, процесс премьер-министрлер деңгейінде жалғасады.
Оңтүстік Корея Қазақстаннан 18 миллион баррель мұнай сатып алады
Министрдің айтуынша, Оңтүстік Корея Қазақстанды EPS жүйесіне қосу жөнінде түпкілікті шешімді жыл соңына дейін қабылдауы мүмкін.
Айта кетейік, қазіргі уақытта шамамен 10 мыңға жуық Қазақстан азаматы Оңтүстік Кореяда заңсыз жағдайда жұмыс істеп жүр.
