Алматыда полицейлер қарақшылық шабуыл жасады деген күдікпен ер адамды ізін суытпай ұстады. ІІМ мәліметінше, оқиға автокөлік сатушысы мен сатып алушысының кездесуі кезінде болған.
Көлікті сатып алу-сату барысында екі азамат арасында жанжал туындап, соның салдарынан олардың бірі екіншісіне пышақ жарақатын салған. Кейін күдікті көлікті иемденіп, оқиға орнынан бой тасалаған.
Қылмыс туралы хабар түскеннен кейін қалада «Перехват» арнайы жоспары жарияланды. Көп ұзамай күдікті Райымбек даңғылының бойында ұсталды. Оның жанынан іске қатысты айғақты заттар тәркіленді.
Күдіктіні саусақ ізі әшкереледі: Ақмола облысында 19 жыл бұрын жасалған ұрлықтың беті ашылды
Зардап шеккен азамат ауруханаға жеткізілді. Ал ұсталған күдікті уақытша ұстау изоляторына қамалды.
Аталған дерек бойынша сотқа дейінгі тергеу амалдары жүргізіліп жатыр.
