Күрес

Жасөспірімдер арасында Таиланд астанасы – Бангкок қала­сында болып өткен Азия чемпио­на­тында Қазақстанның қыздар құ­рамасы 8 медаль тағып, команда­лық бірінші орынды жеңіп алды. Екінші орынға – Үндістан, үшінші орынға Жапония қыздары орна­ласты. Бізден Екатерина Ларионова – алтын, Алек­­сандра Бойко, Мақ­пал Жүні­сова, Әлфия Шын­дәу­летова, Гүлжан Жанатова – күміс, Ирина Борисова, Назгүл Нұрахан, Диана Уәлиева қола медальдердің иегерлері атанды. Біріншілікте еліміздің еркін кү­рестен жасөспірімдер құрамасы қыз­­­дардың осы табысын қай­та­ла­ды. Команданы бірінші орынға шы­ғарған бағландар 10 салмақ дә­режесінің бәрінен де медаль алды! Атап айтқанда, Батухан Шырақбаев (58 кг) пен Сәкен Айтжанов (63 кг) – алтын, Владимир Кудрин (42 кг), Мұхамбет Далабаев (46 кг), Азамат Жұматаев (76 кг), Бақтияр Сұлтанбек (100 кг) – күміс, Медет Мұрат (50 кг), Қуаныш Жақсыбай (54 кг), Мұрадин Қарағұлов (69 кг), Нұржан Өмірбеков (85 кг) қола жүлделерді еншіледі. Командалық екінші орынға Иранның боз кілем­ші­лері көтерілсе, үшінші орын Үн­ді­с­тан балуандарына бұйырды. Ал мұның алдында грек-рим кү­ресінің жас шеберлері командалық үшінші орын алған еді. Нәтижесінде, үш құ­раманың жиынтығы бойынша да Қазақстан балуандары бірінші болды.