Алпыс бес отбасы Тәуелсіздік мерекесін жаңа пәтерде атап өтетін болды

Тәуелсіздік тартуы Халық ел өміріндегі есте қа­ла­тын тарихи күндерге үн қо­сып, қоғамдық пікірдің оң қа­лып­та­су­ына пейіл екендіктерін танытуда. Қазақ елінің беделін биіктеткен ЕҚЫҰ Саммитінің өтуін ала­қай­ла­ған қалың жұрт­шы­лық Тәуел­сіз­дік күнін табыс-та­ралғы­лары­мен қарсы алуға жұ­­мылған. Осы бір мерейлі сәт­те жетісулықтар шыққан еңбек биіктері де атап айтарлықтай. Ха­лықтың әлеумет­тік жағдайын көтеру, баспанамен қамтудағы жан жадыратқан жа­ңа­лық қандай әсерлі десеңізші! Желтоқсанның аязды күнінде Қаратал шағын ауданында тағы бір көп қабатты тұрғын үй пай­да­лануға беріліп, 65 отбасы жаңа пәтерлердің кілтін алды. Осы мерейге облыс әкімі Серік Үмбетов ортақтасып, бүгінгі тәуелсіз елдегі тірліктің оң қалыптасуы заң­дылық, әлеуметтің тұрмыс-тір­ші­лігін жақсарту басты борыш екендігіне тоқталды. Жыл аяғын­дағы жақсы істердің әлі де жал­ға­сатынын айтып, 16 желтоқсан – Тәуелсіздік күніне сәйкес жақ­сы ырыммен №16 пәтердің кілтін «Тақиялы періште» кинофи­льмін­дегі актер, еңбек ардагері Әлім­ғазы Райымбековке тапсырды. Бұл – ардагердің мемлекеттен алған алғашқы баспанасы. Мәдениет қайраткері бұған дейін Көксу ауданындағы Еңбекшіқа­зақ ауылында киноға түспей тұр­ғанда алған ескі үйінде тұрып келген. «Қазақфильм» кинос­ту­дия­сы Алматыдан үш бөлмелі пәтер бергенде жеңгеміз туған жерден көшпей, қалып қойған екен. Жылдар өтіп, жасы ұл­ғай­ғанда жылы үй, тұрмысқа қажет­ті ыстық суы бар пәтер қажеттігі туындайды. Облыс әкімі ардагерді тізімге енгізіп, кезегі кел­ген­­де үш бөлмелі пәтер кілтін тап­сырып, қуанышымен құттық­тады. Мұны өнерге деген жан­ашырлық деп түсіндік. Осы күні өзгелермен бірге 105 жастағы қария Жақып Дәуі­тов те қоныс тойы қуанышына бөленді. Бар ғұмырын мал ша­руа­шылығын өркендетуге арнап, қиындық пен қызықты жыл­дар­ды артқа тас­та­ған ардагер ғасыр жасаса да, әлі тың. Алғысын айтып, көпшілікке батасын берді. Сонымен қатар, ша­һардағы кардиологиялық орта­лық­қа Алматыдан арнайы шақы­рылған қос хирург те үйлі болды. Баспананың қиындығын кө­ріп келген, мүгедек жалғызілікті ана, тұрмысы нашар отба­сы­лар, мемлекеттік және бюджеттік сала қыз­меткерлері де жаңа пәтерлердің кілті қолдарына тиіп, қуанды. Жаңа үйдегі 65 пәтердің 45-і коммуналдық, 20-сы жалдық пә­тер­лер. Даладағы ызғардан кө­ңіл­дің жылылығы басым түсіп, жиналғандар мәре-сәре болды. Енді олар қос қуаныш – Тәу­ел­сіздік күні мен қоныс тойын бірге өткізеді. Күмісжан БАЙЖАН, Талдықорған. Суретте: жаңа үйдің кілтін тапсыру сәтінен көрініс.