Ford Motor автоконцерні 2015 жылы 10,8 миллиард доллар пайда тапты

АСТАНА. 28 қаңтар. АҚШ-тың ең ірі Ford Motor автокомпаниясының 2015 жылғы кірісі мамандар болжамынан асып түсті. Тұтынушылар арасында әсіресе жол талғамайтын көлік пен жеңіл жүк көліктеріне деген сұраныс өте жоғары. Бұл туралы interfax.ru сайтына сілтеме жасаған egemen.kz тілшісі хабарлады. Өткен жылғы табыс мөлшері салық салынға дейін 10,8 миллиард долларды құрады. Мұндай көрсеткіш автокомпания құрылғалы бергі 111 жыл ішінде болмаған. Ал Ford Motor басшылығы 8,5 миллиард доллар мен 9,5 миллиард доллар аралығына болжам жасаған. Осыған байланысты жалпы саны 52,7 мың қызметкеріне 9,3 мың доллар сыйақыдан тағайындады. Компания басшылығының айтуынша, 2015 жылдың қазан мен желтоқсан айларының аралығында түскен пайда 1,9 миллиард долларды құраған. Бұл 2014 жылмен салыстырғанда екі есе көп. Ал шығындарды алып тастар болса, барлығы 7,4 миллиард доллар таза пайда түскен. Аян Әбдуәли. Дерек: interfax.ru. Сурет: first-americans.spb.ru.