Францияның белгілі автоконцерні Иранда құрастырылатын болады

АСТАНА. 29 қаңтар. Францияның әйгілі PSA Peugeot Citroen автоконцерні Иран мемлекетінде құрастырылатын болады. Бұл туралы interfax.ru сайтына сілтеме жасаған egemen.kz тілшісі хабарлады. Иран президенті Хасан Роуханидың Францияға барған сапарында Iran Khodro мен Peugeot автокомпаниялары арасында келісімшарт жасалды. Бірлесіп кәсіпорын ашқан соң, франциялық көліктің үш үлгісі шығарылады. Сондай-ақ, Иран халқына арналған көліктің екі түрін ойлап таппақ. Жергілікті мамандардың айтуынша, 2014 жылы Иранда 900 мың жеңіл машина сатылып, 1,1 миллион жеңіл жүк көлігі шығарылған. Бұл жалпы ішкі өнімнің 10 пайызын құрайды. Хасан Роуханидың Парижге барған сапарында 15 миллиард еуро көлемінде бірқатар келісімшарт жасалды. Олардың қатарында Airbus әуе компаниясының 118 ұшағын сатып алу жөніндегі өзара келісім де бар. Айта кетейік, Иранға салынған санкциялар алынған соң, 500-ге жуық жаңа жолаушылар ұшағының қажет екенін авиация ұйымы мәлімдеген болатын. Аян Әбдуәли. Дерек: interfax.ru. Сурет: challenges.fr.