Оңтүстікте ұрланған бала іздестіріліп жатыр

ШЫМКЕНТ. 22 ақпан. Ордабасы ауданына қарасты Амангелді ауылынан алты жастағы баланы белгісіз әйел белгісіз жаққа алып кеткен. Бұл туралы аудандық ІІБ-ның мәліметіне сілтеме жасаған egemen.kz тілшісі хабарлады. Амангелді ауылынан бала жетектеген әйелді көлігіне отырғызған таксистің айтуы бойынша, бейтаныс әйел таяқ тастам жердегі ауданға апаруға қалыптағыдан төрт есе артық ақша төлеген. Аудан орталығындағы әйел түскен жерде көлік көп. Шымкентке де, әуежайға да тоқтаусыз жүреді. Содан бері бірінші сыныпта оқитын Мұхамедтен хабар жоқ. Сыныптастарының айтуы бойынша, бейтаныс толық әйел Мұхамедті өз атымен шақырып алған. Полициялар әлгі әйелдің куәгерлер анықтамасы бойынша фотороботын жасаған. Елуден мол асқан күдіктінің дерегі іздестіріліп жатыр. Ұрланған баланың оның шақыруына селт етпей, ілескеніне қарағанда бұл отбасыға таныс болуы да әбден мүмкін. Оңтүстік Қазақстан ІІБ-нің полицейлері Мұхамедтің суреті мен әйелдің нобайын жасап, хабарландыру берді. Байланыс телефондары: 8-701-716-64-64, 8-705-869-99-99, 8-777-186-22-88, (8-72-530) -2-14-13 немесе 102. Бақтияр Тайжан. Дерек, сурет: egemen.kz