Фиджи аралдарында табиғат апатынан 42 адам қаза тапты

АСТАНА. 24 ақпан. Фиджи аралдарында соққан тропикалық «Уинстон» дауыл желінің салдарынан қаза тапқандар саны 42 адамға жетті. Бұл туралы ТАСС ақпарат агенттігіне сілтеме жасаған egemen.kz тілшісі хабарлады. Метеорологтар жойқын дауылдың жылдамдығы 325 шақырымды құрағанын, ал мұхит толқындарының биіктігі 12 метрге дейін көтерілгендігін анықтады. Циклонның ең жоғарғы көрсеткіші 5 дәрежесі тіркелді. Мамандар Фиджи тарихында бұрын-соңды мұндай табиғат апатының болмағанын айтты. Фиджидің премьер-министрі Вореке Баинимарама циклонның салдарынан көптеген тұрғын үйлердің қирап қалғанын мәлімдеді. Соңғы мәліметтер бойынша, 13 мыңнан астам адам баспанасыз қалған. Олар қазіргі кезде арнайы орындарда күнелтіп жатыр. Мемлекеттің 70 пайызы орналасқан Вити-Леву аралында мынан аса үй қирап қалған болса, 60 мектепке зақымданған. «Уинстон» көптеген елді-мекендерді жермен-жексен етті. Апат болған аймақтарда көбіне төменгі аудандардың халқы зардап шекті. Адам шығыны әлі де артуы мүмкін деген болжам бар. Фиджи Республикасы Тынық мұхитының оңтүстігінде орналасқан 300-ге жуық аралдардан құралған мемлекет. Алайда оның жүзге жуығында ешкім тұрмайды. Халқының саны 890 мың. Аумағы 18333 шаршы шақырым. Аян Әбдуәли. Дерек, сурет: ТАСС.