«Газпром» ұйымдастырған турнирге 32 команда қатысады

АЛМАТЫ. 25 наурыз. УЕФА чемпиондар лигасының ресми демеушісі «Газпром» компаниясы Германияның Мюнхен қаласында «Футбол достық үшін» атты халықаралық балаларға арналған әлеуметтік жобасының төртінші маусымы басталғандығын мәлімдеді. Бұл туралы компанияның баспасөз қызметіне сілтеме жасаған egemen.kz тілшісі хабарлады. Жыл сайын жобаның географиялық ауқымы кеңеюде. Биылғы маусымға алғаш рет Африка және Оңтүстік Америка елдерінен жас футболшылар қосылды. Сондай-ақ, Азия елдерінен келген командалардың саны артуда. Өткен жылмен салыстырғанда жарысқа қатысушы мемлекеттердің тізімі 24-тен 32 дейін артты, ал жобаны іске асыра бастаған уақыттан бастап ол 4 есе көбейді. Осы маусымда Австрия, Әзербайжан, Алжир, Аргентина, Армения, Беларусь, Бельгия, Бразилия, Болгария, Ұлыбритания, Венгрия, Вьетнам, Германия, Испания, Италия, Қазақстан, Қырғызстан, Қытай, Нидерланды, Польша, Ресей, Сербия, Сирия, Словакия, Словения, Түркия, Украина, Франция, Хорватия, Чехия, Швейцария, Жапония елдерінің командалары жеңіске таласуда. Сонымен маусым аясында бірнеше дәстүрлі іс-шаралар жүргізіледі: 25 сәуірде жобаның қатысушы елдерінде Халықаралық футбол және достық күні аталып өтіледі, 27 және 28 мамырда Миланда көше футболы бойынша халықаралық турнир мен «Достық үшін футбол» халықаралық балалар форумы ұйымдастырылады. Форумның басты шарасы – жобаның құндылықтарына ең зор шынайы берілгендігі үшін әлемдік кәсіби футбол клубтарының біріне «Футбол достық үшін» жобасының арнайы сыйлығы – Тоғыз құндылықтың кубогін беру болып табылады. Форум аяқталғаннан кейін оның қатысушылары Миландағы Giuseppe Meazza (San Siro) футбол стадионында өтетін УЕФА Чемпиондар Лигасының финалдық ойынын көре алады. «Достық үшін футбол» жобасы қатысушыларының және олардың өкілдік ететін елдерінің саны жыл сайын артып келеді. Бұл маусымды ғаламдық деп толық сеніммен атауға болады. Жобаға алғаш рет Батыс елдерінен келген футболшылар қатысады. «Футбол достық үшін» жобасы – түрлі мәдениетте тәрбиеленген жасөспірімдердің табысуы мен түсінісуі үшін үлкен мүмкіндік», – деді «Газпром» басқармасының төрағасы Алексей Миллер. Маусымның ашылуына орай аталған жобаның ғаламдық елшісі Франц Беккенбауэр сөз сөйледі. «Футбол достық үшін» жобасына менің және менің достарымның мүмкіндік алғандығына, әр түрлі елдерден келген замандастарыммен танысуға және шынымен маңызды мәселелер туралы сөйлесе алатындығыма мен бақыттымын. Мен өмірді өзгерте алатынымызға және оны жақсарта алатындығымызға сенемін», – деді Сириядан келген жобаның қатысушысы Махер Шамбо. Айнаш Есали. Дерек, сурет: «Газпром» компаниясының баспасөз қызметі.