Аймақтар • 17 Қазан, 2022
Түркістан қаласындағы «Фараб» кітапханасы оқырмандарға былтыр қыркүйек айынан бастап қызмет көрсетіп келеді. Оқырмандар үшін үлкен тәрбие мектебіне, сансыз сұрақтардың жауабын табуға болатын киелі ордаға айналып үлгерген облыстық «Фараб» әмбебап ғылыми кітапханасының директоры Жанат Шардарбекова жуырда «Жыл кітапханашысы – 2022» атағымен марапатталды.
Қоғам • 11 Қазан, 2022
Бүгінде қоғамда жантүршігерлік оқиғалар неге жиілеп кетті деген сұрақ мазалайды. Неге? Әрине тегіс халықты даттауға болмайды «бір анадан ала да туады, құла да туады», бұл арада ұлттың да, діннің де қатысы жоқ дерсіз. Жұбатарлық сөз табылар, бірақ оған жетім қалған балалар жұбанып, нәзік жүректегі жара жазыла ма? Бір үйелменнің, яғни отбасының әлеуметтік ахуалын алға тартармыз, қоғамның қатыгезденіп бара жатқанын айтармыз, бірақ. Неге осындай оқиғалар жиілеп кетті?
Аймақтар • 10 Қазан, 2022
Достық пен татулықтың темірқазығын жастар бекемдемек. Алғаш рет Тәжіктердің республикалық этномәдени орталығының ұйытқы болуымен өткен жастар форумына қатысушылар осылай деп отыр.
Медицина • 09 Қазан, 2022
Дәрігерге тексерілу – міндетің
Бүгінде күйзеліс көп. Теледидарды қоссаңыз да, ғаламторды ақтарсаңыз да атыс-шабыс, ұрыс-керіс туралы айтатындар мен көрсететіндер жетеді. Мамандар көргісі келмесе де бәрібір еститін осындай үрей туғызатын ақпарлар әлсіз адамды депрессияға ұшырататынын айтып дабыл қағып жатыр. Озбырлықтың түр-түрін насихаттап жатқандай көрінетін бағдарламалардың кері әсері, жаман жаңалықтардың салдары көбіне невроз ауруына шалдықтырады. Бұған жұртты үрейлендірген коронавирус та қосылды. Одан бөлек отбасылық проблемалар, несиелер, жанжалдар адамның жүйкесін жұқартады.
Ұлттық спорт • 07 Қазан, 2022
Аға буыннан асық ату ойыны туралы сұрасаңыз, көбіне мұғалімдерден жасырынып ойнағандарын айтады. «Асық ойнаған – азар, доп ойнаған – тозар. Бәрінен де қой бағып, құйрық жеген озар», деген сөзді ұстаным еткендерін де жасырмайды. Ал бүгінде асыққа деген көзқарас мүлде өзгерген. Ұлттық ойынды насихаттап, бүгінгі буынға үйретіп жүргендердің қатарында мұғалімдер көп.
Экология • 05 Қазан, 2022
EcoStudentKZ: Жылыжайға гүл, ағаш отырғызды
Қожа Ахмет Ясауи атындағы халықаралық қазақ-түрік университетінің ботаникалық бағында EcoStudentKZ челленджі өтті. Шымкент қаласынан бастау алған игі бастама аясында Түркістан қаласының жастары, студенттер мен экоеріктілер ботаникалық бақты қоқыстан тазартты.
Аймақтар • 04 Қазан, 2022
Түркістан қауіпсіз қалаға айналады
Түркістан қаласының полиция басқармасында 500-ден аса қызметкер еңбек етеді. Оның ішінде 103 учаскелік полиция және 214 патрульдік инспектор қоғам тыныштығына үлес қосып келеді. Қалада қылмыстың азаюына соңғы жылдары жүзеге асырылып келе жатқан «Түркістан – қауіпсіз қала» бағдарламасы да өз септігін тигізуде. Сондай-ақ бүгінде тәртіп сақшылары өз қызметінде киелі қаланы қауіпсіз әрі ішімдіксіз, рухани қала ету бағытына басымдық беруде.
Аймақтар • 02 Қазан, 2022
Аламан бәйге қазақ жылқысының төзімділігін мен жүйріктігін дәлелдеді
«Ұлы дала жорығы» марафон-бәйгесі мәреге жетті. Түркістан жұртшылығы 1200 шақырымды 11 күнде бағындырған батырларды үлкен қошеметпен қарсы алды. Бәйгенің жеңімпазы атанған Маңғыстаудың «Көкмойнақ» командасына 24 млн теңгенің сертификаты тапсырылды. Екінші орын иесі атанған Жетісу өңірінің «Жетісу» командасына 12 млн теңге жүлде тарту етілcе, мәреге үшінші болып жеткен Түркістан облысының «Теріскей» командасының шабандоздары 9 млн теңге сыйақыны қанжығаларына байлады.
Білім • 29 Қыркүйек, 2022
Университет 2026 жылға қойған межеге мерзімінен бұрын қол жеткізді
Қожа Ахмет Ясауи атындағы Халықаралық қазақ-түрік университетінің 8 оқытушысы өткен оқу жылында еліміздегі «Үздік оқытушы» атағын иеленсе, 11 оқытушы «Болашақ» халықаралық стипендиясының иегері атанған. Биыл университетті таңдап, мемлекеттік грант иегері атанған студенттердің саны артқан, яғни 2021-2022 оқу жылымен салыстырғанда грант саны 18% өскен, деп хабарлайды Egemen.kz.
Медицина • 29 Қыркүйек, 2022
ТМД: Цифрландыру мен телемедицинаны дамыту өзекті
Түркістанда Тәуелсіз Мемлекеттер Достастығының Денсаулық сақтау саласындағы ынтымақтастық жөніндегі кеңесінің XXXV отырысы өтті. Бүгінде денсаулық сақтау саласын цифрлық жүйеге көшіру кезек күттірмейтін мәселе. Қазір бүкіл әлем осы саланы электронды жүйеге жаппай көшіруде. Түркістандағы отырыста алдағы уақытта осы салада бірлесіп атқаратын жұмыстар пысықталды. Барлық мемлекеттер осы міндетті алдарына стратегиялық мақсат етіп қойғаны айтылды. Оны атқарудағы жетістік пен тәжірибе кеңес отырысы аясында өткен дөңгелек үстелде талқыланған мәселелердің бірі болды.
