Қоғам • 28 Қыркүйек, 2022
Құқықтық мәдениетті көтеру – уақыт талабы
Азаматтардың құқықтық санасы мен құқықтық мәдениетін арттыру, заңға құрмет сезімін ояту – барлық мемлекеттік органның стратегиялық бағыттарының бірі. Ал заңды жетік біледі деген қызметкерлердің қателікке жол берген кемшіліктері кешіруге жатпайтын әрекет екені анық.
Экономика • 27 Қыркүйек, 2022
Жиын-терімді жуырда бастаған түркістандық мақташылар бейнетпен өсірілген өнім бағасының төмендігіне наразы. Ол аздай мақта қабылдау бекеттерінде таразыдан алдайтындар бар. Зертханалар мақта сапасын қасақана түсіреді. Диқандар бір гектар жерді жыртып, суару мен мақта егуге, дәрі себу мен оны өсіруге, арамшөптен тазалауға миллиондаған қаражат жұмсаған. Ол ақшаны басым көпшілігі несиеге алып, қорасындағы малын сатқан. Ал жекеменшік зауыт басшыларының өзара ымыраласып белгілеген бағасы қарыздарын жабуға да жетпейді.
Спорт • 26 Қыркүйек, 2022
«Кіші әлем чемпионаты» деп аталған турнир
«Оңтүстік Қазақстан» газетінің жүлдесін сарапқа салған қазақ күресі турнирі биыл Сайрам ауданының Ақсукент ауылында өтті. Осындағы орталық дендросаябақта ұйымдастырылған додаға Түркістан облысының түкпір-түкпірінен құрамында 130-ға жуық спортшы бар 20 команда қатысты.
Аймақтар • 22 Қыркүйек, 2022
Денсаулығына байланысты он жыл бойы үйінде білім алып келген Нұрдәулеттің өлеңдері аудандық, облыстық газеттерде жарияланған. Түрлі деңгейдегі шығармашылық жарыстарға қатысып, жүлделі орындарды жеңіп алған оның өлеңдері жүзге жуықтапты.
Экономика • 21 Қыркүйек, 2022
Түркістан облысының Жетісай, Мақтаарал аудандарында мақта терімі басталды. Мақтаарал ауданында биыл 40,4 мың гектарға, ал Жетісай ауданында 80 мың гектарға жуық алқапқа мақта дәні себілген. Жетісай ауданындағы жалпы егістік жердің 49 500 гектары – шитті мақта. Ерекше күтім мен баптауды қажет ететін техникалық дақылды теру науқаны басталғалы ауданда 1 074 гектар алқаптың «ақ алтыны» теріліп, 1861,70 тонна өнім алынған.
Аймақтар • 20 Қыркүйек, 2022
Ғұлама ғибраты: Бекасыл Биболатұлының 200 жылдығы туған жерінде атап өтілді
Рухани ілімді терең меңгеріп, өз заманының ғұлама данагөйі болған Бекасыл Биболатұлының туғанына биыл 200 жыл. Осыған орай, оның туған жері Түркістан облысы Төле би ауданында қазақ-қырғыз зиялыларының халықаралық V форумы өтті. Форумға қатысушылар алдымен Кеңесарық ауылындағы Бекасыл әулиенің кесенесіне барып, Құран бағыштады, музейінде болып ескерткішіне гүл шоқтарын қойды.
Аймақтар • 18 Қыркүйек, 2022
Жүзден астам ауылда сапалы интернет жоқ
Түркістан облысы аумағында 838 ауылдық елді мекен бар. Аудан, қала әкімдіктерінің талдау ақпараты нәтижелері бойынша 642 елді мекендегі 1 753 012 тұрғын сапалы интернетпен қамтылған, бұл – жалпы облыc халқының 73,7 пайызы. Сондай-ақ өңірдегі 441 129 оқушы 3G және 4G мобильді желісімен, 123 ауылдық елді мекенде 63 мыңға жуық оқушы 2G мобильді желісімен қамтамасыз етілген.
Аймақтар • 17 Қыркүйек, 2022
Түркістан облысында Бекасыл әулиенің 200 жылдығына арналған халықаралық форум өтті
Түркістан облысы Төлеби ауданына қарасты Қасқасу ауылында ғұлама ғалым Бекасыл Биболатұлының 200 жылдығына арналған халықаралық V форум өтті. Форум қатысушылары алдымен Бекасыл әулиенің кесенесіне барып, Құран бағыштады, музейінде болып ескерткішіне гүл шоқтарын қойды. Сондай-ақ зиялы қауым Есім хан ордасының орнында болды.
Аймақтар • 16 Қыркүйек, 2022
Түркістанда әлем травматологтары мен ортопедтері тәжірибе алмасуда
Түркістан қаласында медицина саласын дамытуға арналған екі күндік «Заманауи травматология және ортопедия көкжиектері» атты халықаралық ғылыми-тәжірибелік конференция өтуде. Оған әлемнің 15 елінің жетекші клиникаларының мамандары келді, деп хабарлайды Egemen.kz.
Аймақтар • 13 Қыркүйек, 2022
Жаңа жұмыс орындарын ашу – маңызды міндет
Түркістан облысында жаңа жұмыс орындарын ашуға ерекше мән берілуде. Бұл орайда бірқатар басқарма басшылары жуық арада инвестиция тарту, кәсіпорындарды көбейту, жұмыс орындарын ашу бойынша ұсыныс дайындауға тиіс. Аудан, қала әкімдері өңірден шыққан ірі кәсіпкерлерді шақырып, елге пайдалы жобаларды жүзеге асыруға көмектесуі керек. Сондай-ақ облыстың миллионға жуық тұрғыны бар оңтүстік аудандардың инфрақұрылымын реттеп, жастарды тартатын жұмыс орындарын ашу қажет. Әкімдерге, басқарма басшыларына халықтың әл-ауқатын көтеру бағытындағы жұмыстарды күшейту бойынша индикаторлар әзірленеді.
