Форум • 14 Шілде, 2023
Халықаралық сарапшылардың басқосуы
Астанада Орталық Азиядағы қауіпсіздік пен ынтымақтастықты көздеген халықаралық форум өтіп жатыр. «Өзгермелі әлемдегі Азия: Болашақтың күн тәртібі» тақырыбында ұйымдастырылған алаңға жаһанның 25 елінен 60-тан астам сарапшы жиылды. Екі күнге орайластырылған ауқымды іс-шараға Қазақстанның стратегиялық зерттеулер институты мен Сыртқы істер министрлігі мұрындық болды.
Жастар • 10 Шілде, 2023
Еңселі елорданың қаланған әр кірпішінің тарихы бүтін республикаға аян. Алайда сол тастарының алып ғимаратқа, өңірдің әлеуметтік-экономикалық орталыққа айналуына сеп болған азаматтарды біле бермейміз. Осы орайда Астананың рухани дамуына, өркениетті орта қалыптастыруда жақсылық жасап жарысып жүрген елордалық еріктілердің ерлігі ерекше. «Астана жастары» – елордалық жас буынның басын біріктірген Жастар ресурстық орталығы коммуналдық мемлекеттік мекемесі. Ол өңірлік деңгейде 2014 жылы 7 ақпанда құрылған. Басты мақсатты – мемлекеттік жастар саясатын жүйелі іске асыру.
Қоғам • 02 Шілде, 2023
Жас журналистердің жазғы мектебі
Бурабайда жас журналистерге арналған «Media Bootсamp» жазғы мектебі ұйымдастырылды. Білім мен білікті, кәсіби машықты шыңдауға арналған ілкімді жобаға еліміздің әр өңірінен іріктелген 50 азамат қатысты. Іс-шараның негізгі мақсаты – студенттер мен магистранттардан заманауи талапқа сай мамандар пулын қалыптастыру.
Саясат • 29 Маусым, 2023
Астанада «Аmanat» партиясынан сайланған Мәжіліс және мәслихаттар депутаттарының алғашқы республикалық форумы өтті. Саяси іс-шарада еліміздің барлық өңірінен 3 мыңға жуық фракция мүшесі бас қосты. Жиында Мемлекет басшысы Қасым-Жомарт Тоқаевтың реформаларын жүзеге асыру аясында өңірлерді дамыту, сондай-ақ мәслихаттардың өкілеттігін кеңейту тетіктері жан-жақты талқыланды.
Қылмыс • 23 Маусым, 2023
Есірткі саудалаушылар есіріп барады
Елімізде соңғы бес айда 600-ден аса есірткі сатушы ұсталса, оның 99-ы – әйел. Ішкі істер министрілігі, әсіресе Телеграм желісінде есірткі саудалаушылар саны өсіп бара жатқанын айтып, дабыл қағып жатыр. Соңғы 5 айдың өзінде есірткі жарнамалайтын 2200-ден астам сайт бұғатталған. Бұл туралы Президент жанындағы Адам құқықтары жөніндегі комиссияның кезекті отырысында құзырлы орган өкілдері мәлімдеді.
Тәрбие • 14 Маусым, 2023
«Туа білген халық тәрбиелей де білу керек»
Елімізде ресми есепте 6 616 774 бала тұр екен. Оның ішіндегі 3,7 миллион жасөспірім 17 жасқа дейінгі оқушылар санатында. Ал ЮНИСЕФ халықаралық ұйымының дерегіне сүйенсек, олардың 66 пайызы білім алу кезеңдерінде зорлық-зомбылық пен кемсітушілікке тап болады екен.
Ұлттық спорт • 14 Маусым, 2023
Жаңа тренд: сәнге айналған садақ ату
Елімізде мерген жастар қатары көбейіп келеді. Бүгінде Дәстүрлі садақ ату спортымен айналысып жүргендердің қатары екі мыңнан асады. Ұлттық құндылықты жаңғырту жолында өңірлерде арнайы орталықтар да ашылып жатыр. Мұндай орталықтардың саны қазір 15-ке жетті.
Экология • 13 Маусым, 2023
Елімізде «Ecolife» экочелленджі басталды. Іс-шара елордада өтетін Халықаралық волонтерлер форумы аясында ұйымдастырылып отыр. Игі іске Ақпарат және қоғамдық даму министрлігі мен «Жас Ұлан» республикалық балалар мен жасөспірімдер ұйымы мұрындық болды.
Қоғам • 12 Маусым, 2023
Еліміздегі еріктілердің жұмысы 1991 жылдан бастап БҰҰ Еріктілер қозғалысының бағдарламасы пайда болғаннан кейін дами бастады. Ал 1997 жылдың қараша айында Қазақстан жүзге жуық мемлекетпен қатар «A/RES/52/17» қарарына қол қойып, 2001 жылды «Халықаралық еріктілер жылы» деп атады. Сондай-ақ еліміз Индонезия, Лаос, Маврикия мен Нигерия мемлекеттерімен бірігіп, 2002 жылдың желтоқсан айында «A/RES/57/106» қарарына демеуші болды.
Құқық • 11 Маусым, 2023
Жақында әлеуметтік желіде бір бейнежазба тарады. Онда бір жігіт күшікке «ұрсып», «ұрмақ» болған кезде ит «баласын» қорғаштап, бауырына тыға түсіп, әлгінің қолын әлсін-әлсін қағып жібереді. Күшігін иесінен қақпалап, қорғап тұрған иттің бұл қылығы көпті сүйсіндіріп еді. Бұл – жануардың рефлексі. Олар төлін бұғанасы бекіп, қорегін өзі тапқанша асырайды. Қажет болса, тәрбиелейді. Ал саналы адамдардың арасында бауыр еті баласынан безу, қарақан бастарын күйттеп кету жылдан-жылға белең алып барады. Былтырдың өзінде сот орындаушылары алимент бойынша 304 мың істі жүргізген. Оның ішіндегі 5 мыңы – перзенті алдындағы парызын ойламайтындар. Қоғамның өзекті мәселесіне айналған бұл түйіннің шешімі бар ма?
