Қоғам • 11 Қазан, 2023
Қазір жастардың 36,5 пайызы үй жалдап тұрады. Ал 22,5 пайызы туысының баспанасын жағалап жүр. Бұл мәліметтер «Жастар» ғылыми зерттеу орталығы жүргізген сауалдама нәтижесінде белгілі болды. Сауалдамаға еліміздің түкпір-түкпіріндегі 14 пен 35 жас аралығындағы 2 мың азамат қатысқан.
Жастар • 10 Қазан, 2023
Белсенді жастардың жаһандық мәлімдемесі
Астанада «LCOY Kazakhstan 2023» конференциясы өтті. Еліміздің түкпір-түкпірінен жиналған жас зерттеушілер мен сарапшылар еліміздегі климаттың өзгеруін, оған адамзаттың бейімделуін, су секторына тигізетін әсерін саралады. Сондай-ақ бұл бағытта аймақтарда қабылданып жатқан іс-шаралар мен экологиялық таза технологияларды кеңінен пайдаланудың маңыздылығы және болашақ перспективалары жан-жақты талқыланды.
Қоғам • 10 Қазан, 2023
Ресурстық орталықтар: аты бар, заты жоқ
Елімізде Жастар ресурстық орталықтарында маман тапшы. Республика бойынша осындай ұйымның 1 қызметкері орта есеппен 2 мың жаспен жұмыс істеуі қажет. Алайда Алматы қаласында ресурстық орталықтың бір қызметкеріне – 32, ал Астанада 17 мың адамнан келеді. Демек кей өңірлерде стандарт сақталмаған. Жастардың әлеуметтік, тұлғалық дамуына көмектеседі деген мақсатпен құрылған орталықтардың бірқатар мәселесін Мәжіліс депутаты Нартай Сәрсенғалиев палатаның жалпы отырысында көтерді.
Әлем • 09 Қазан, 2023
Ауғанстандағы зілзала: Қазақстан қолдау көрсетеді
Ауғанстанда магнитудасы 6,3 балдық жер сілкінісі болып, апаттан 2 445 тұрғын қаза болды. Зілзала 7 қазанда елдің батысындағы Герат қаласынан 40 шақырым жерде анықталған. Табиғи апат салдарынан 13 ауыл толығымен қирап қалған. Ал 10 мыңға жуық адам жарақат алған.
Саясат • 09 Қазан, 2023
Мәдени даму және мемлекеттік ұстаным
Биылғы тоғыз айда интернетте үгіт-насихат, терроризм және діни экстремизм қағидаларын қамтитын 14 860 материал жарияланған. Бұл – Мәдениет және ақпарат министрлігінің әлеуметтік желілерге жүргізген мониторингі кезінде анықталған сан. Орталық коммуникациялар алаңында өткен брифингте сала басшысы Аида Балаева осы бағытта атқарылып жатқан жұмыстарға жан-жақты тоқталды.
Сайлау • 09 Қазан, 2023
249 азамат әкім болудан үмітті
Орталық сайлау комиссиясы саяси науқанға дайындық жұмыстарының қорытындысын шығарды. Бүгінде республика бойынша барлығы 249 үміткер тіркелген. Оның 64 пайызы – өзін-өзі ұсынушылар. Бұл жөнінде Орталық сайлау комиссиясының отырысында белгілі болды.
Әлем • 08 Қазан, 2023
Төрткүл дүние көз тіккен Нобель сыйлығы
Швеция астанасы Стокгольмде және Норвегияның Осло қаласында Нобель апталығы басталды. Лауреаттар қазанның 2-сінен бері біртіндеп анықталып жатыр. Биыл бейбітшілік бағыты бойынша Нобель сыйлығы 351 үміткердің арасынан ирандық құқық қорғаушыға бұйырды. Әлемдегі ең беделді сыйлықтың өзге салаларында кім үздік деп танылды?
Қоғам • 04 Қазан, 2023
Алқалы жиынның арқауы – Ана даналығы
Ел халқының 51 пайызы – әйелдер. Алайда республиканың 20 өңіріндегі атқарушы органдардағы нәзік жандардың жалпы үлесі 17,8 пайыз ғана. Ашып айтсақ 75 орынбасардың ішінде 4-і ғана әйел. Осындай өзекті мәселені Мәжіліс депутаты Қарақат Әбден «Ұлт рухының ұясы – Ауыл-Ана» атты алқалы жиында көтерді.
Ауыл • 03 Қазан, 2023
Жедел желі ауыл жастарын қолдайды
Өңірлерде жастарды қолдау бағытындағы жедел желі жұмыс істеп тұр. Мұнда мамандар 35 жасқа дейінгі азаматтарға мемлекеттік бағдарламалар арқылы жұмысқа тұру, тұрғын үй алу, жеңілдігі бар несиеге ілігу сынды мәселелер бойынша тегін кеңес береді.
Байқау • 03 Қазан, 2023
«Елім дегендер» байқауы басталды. Байқау Мәдениет және ақпарат министрлігінің қолдауымен «Тіл тағдыры – ел тағдыры» жобасы аясында қазанның 1-і мен 20-сы аралығында ұйымдастырылуда. Оған әр өңірден 14 пен 35 жас аралығындағы өзге этнос өкілдері ғана қатыса алады.
