Тарих • 09 Қараша, 2024
Мемлекеттілігіміз 890 жылы араб картасында «әл-Қазақия» деп көрсетілген
Шынайы тарихты қалыптастыратын сенімді негіз – картография ғылымы. Соның ішінде көне заманнан жеткен карталар – өткеннің дереккөзі іспеттес. Бұлар – мемлекеттердің, халықтардың, жер-су атауларының тарихын зерттеп-зерделеуде таптырмас құрал. Елімізге белгілі ғалым, Л.Н.Гумилев атындағы Еуразия ұлттық университеті Заманауи зерттеулер институтының директоры Мұхит-Ардагер Сыдықназаров біраз жылдан бері осы салаға айрықша ден қойып, шетел архивтерінде сақталған көне карталар арқылы қазақ мемлекеттілігінің тарихын айқындап жүр. Таяуда ол осыдан 12 ғасыр бұрынғы араб картасынан мемлекеттілігіміздің бастауына қатысты тың дерек тапты. Бұның құндылығы – 890 жылы араб картографтары жерімізді «Қазақия» деп айқын жазғандығында. Біз осы өзекті ғылыми мәселе төңірегінде Мұхит-Ардагер Қаржаубайұлымен сұхбаттасқан едік.
Таным • 08 Қараша, 2024
Тынық мұхитының қақ ортасында Науру деп аталатын шағын ғана арал-мемлекет бар. Жер көлемі – бар-жоғы 21,3 шаршы шақырым, бұл шамамен Қосшы қаласының ауданымен тең (24,1 шаршы шақырым). Халқының саны – 11 мың адам. Көпшілігі ағылшын тілімен қоса, науру тілінде сөйлейді. Өткен ғасырдың 70-80-жылдары әлемнің ең бай мемлекетіне айналған Науру – қазір дүниедегі ең кедей елдің бірі. Сырттан көмек тоқтаса, мемлекет ретінде жойылып кету алдында тұр.
Әлем • 07 Қараша, 2024
АҚШ-тың 45-президенті Дональд Трамптың президенттік сайлауға қайта түсіп, жеңіске жетуін сарапшылар «жылдың қайта оралуы», яғни камбэгі деп бағалап отыр. Кеше ол өзіне қажетті 277 дауысты жинап, қарсыласынан басым түскеннен кейін әлемдік лидерлер тарапынан құттықтаулар легі ағылды. Олардың қатарында Қазақстан Президенті Қасым-Жомарт Тоқаев та сайлауда айқын жеңіске жеткен америкалық әріптесіне құттықтау жеделхатын жолдады.
Қылмыс • 31 Қазан, 2024
Есірткі қылмысы елді алаңдатып тұр
Мемлекет басшысы Қасым-Жомарт Тоқаев биылғы Жолдауында есірткі қылмысы тақырыбына тағы да тоқталып, нашақорлыққа қарсы күрестің маңызды міндет екенін айтты. Оның айтуынша, бұл – ұлттың генетикалық қорын аман сақтап қалу мәселесі. «Біз осыған дейін қажетті заңнамалық шараларды қабылдадық. Бірақ нақты нәтижеге қол жеткіздік деуге әлі ерте. Әрбір мемлекеттік құрылым, әсіресе құқық қорғау органдары тиімді жұмыс істеп жатыр деп айта алмаймыз. Есірткі мәселесі ушығып барады», деді ол.
Республика күні • 25 Қазан, 2024
Егемендіктің елең-алаңы: Декларация қалай қабылданды?
Мемлекеттік егемендік туралы декларация қабылданған Республика күні – Қазақ елінің ұлттық мерекесі. 1995 жылдан бастап ұлттық мереке, 2001 жылдан мемлекеттік мереке ретінде тойланып келген бұл күн 2009 жылдан кейін атаусыз қалғаны белгілі. Ал екі жыл бұрын 29 қыркүйекте Президент Қасым-Жомарт Тоқаевтың Жарлығымен «Ұлттық мереке» мәртебесі беріліп, елдің басты мейрамы ретінде қайта жаңғырды. Қайта оралған тарихи күнді бүгін, міне, үшінші мәрте атап өтіп жатырмыз. Бұл – өткенге көз жіберіп, жетістігіміз бен қателігімізді саралап, тарихтан сабақ алар сәт. Тар жол тайғақ кеше жүріп тәуелсіздікке жеткенімізді, азуын айға білеген алып империяның құрсауынан қалай құтылғанымызды ой елегінен өткізер мезет.
Сұхбат • 24 Қазан, 2024
Жигули Дайрабаев: Әрбір адам отаншыл болуға тиіс
Мемлекеттік егемендік туралы декларацияны қабылдайтын кезде қиян-кескі талас-тартыс пен пікірталас жүрді. Сол оқиғалардың бел ортасында тарихи сәттің куәгері болғандардың бірі – белгілі қоғам қайраткері Жигули Дайрабаев. Мереке қарсаңында Мәжіліс депутатымен арнайы жолығып, декларацияның қалай қабылданғанын, Республика күніне қатысты ойын білдік.
Сенат • 18 Қазан, 2024
Халықты тұрғын үймен қамту тетіктері
Сенат спикері Мәулен Әшімбаевтың төрағалығымен палата отырысы өтіп, онда сенаторлар тұрғын үй саясатын реформалау туралы заңды қарады.
Саясат • 11 Қазан, 2024
Қатармен байланыстың жаңа бағыттары
Сенат спикері Мәулен Әшімбаевтың төрағалығымен палата отырысы өтіп, онда сенаторлар Қазақстан мен Қатар Үкіметтері арасындағы келісімді ратификациялады, депутаттық сауалдарын жолдады.
Саясат • 10 Қазан, 2024
Діни диалог және жастар әлеуеті
Астанада «Ортақ болашақ жолында: жас көшбасшылардың дінаралық диалогті нығайтудағы рөлі» тақырыбына арналған алғашқы Жас діни лидерлер форумы өтті. Әлемдік және дәстүрлі діндер көшбасшылары съезі аясында ұйымдастырылған іс-шараға әлемнің 30-дан аса елінен келген делегаттар қатысып, қазіргі таңдағы өзекті мәселелерді бірлесіп шешу жолдарын талқылады. Отырыстың нәтижесінде жас дін лидерлерінің бірлескен үндеуі қабылданып, алдағы ортақ жұмыстың басым бағыттары белгіленді.
Энергетика • 08 Қазан, 2024
АЭС-ті асарлатып салудың пайдасы көп
«Тойдың болғанынан боладысы қызық» дегендей, тәуелсіз еліміздің тарихында ең ұзақ талқыланған жобаның бірі АЭС құрылысына қатысты республикалық референдум да өз мәресіне жетіп, бірнеше ұйым тарапынан өткізілген Exit-poll сауалнамаларының алдын ала нәтижелері жарияланды. Қарап отырсақ, халқымыздың шамамен үштен екісі АЭС салуды қолдайды. Референдумның түпкілікті нәтижесі де осы деңгейлес болады деген үміт бар.
