Туризм • 27 Наурыз, 2024
Алматының ғана емес, Қазақстанның жауһарына баланатын «Шымбұлақ» тау-шаңғы курортының ашылғанына – биыл 70 жыл. Жеті белес бедерінде талайдың табаны тиген Тәңіртаудың жотасында дүниенің төрт тарабынан жеткен журналист шаңғышылар да келіп сырғанады. Өз еліне олар Қазақстанның «Шымбұлағы» туралы көп сырды, керемет әсерді арқалай аттанғаны анық.
Дәстүр • 22 Наурыз, 2024
Биыл қоңыр күзде Астана қаласында V Дүниежүзілік көшпелілер ойындары өтеді. 20 спорт түрінен 110 медаль жиынтығы үшін додаға кіретін спортшылар апта бойы елорданы дүбірге бөлейді. 10 жыл бұрын Қырғызстан елі бас болып ұйымдастырған алғашқы аламан 10 ұлттық ойын түрінен ғана ұйымдастырылса, екі жылдан кейін өткен дала додасына 26 спорт түрінен 62 елдің спортшылары қатысты. 2022 жылы Түркияның Изник қаласы сән-салтанатын асыра өткізген Дүниежүзілік көшпелілер ойындарына 102 елден 3 мыңнан аса спортшы қатысып, 13 спорт түрінен медальдар жиынтығын бөлісті. Жылдан-жылға жаңарып, түлеп, түрленіп келе жатқан көшпелілер ойындары бүгінде қай құрлыққа да мәшһүр. Биыл біздің елде болатын Ұлы дала додасына ынта танытқан елдердің қатары 100-ден әлдеқашан асып кетті.
Ұлттық спорт • 20 Наурыз, 2024
Бүгін – ұлттық спорт күні. Былтыр ұлттық спорт түрлерінен саңлақтар 12 халықаралық сайысқа қатысып, 95 медаль иеленді, оның ішінде 35-і – алтын жүлде. Ұлттық спорт түрлерін дамытудың 2029 жылға дейінгі тұжырымдамасы әзірленіп, саланы өрістететін кадрлар даярлаудың бағдарламасы да бекітілді. Ұлттық спорт түрлерінен мектеп ашу ісі де қолға алынды.
Ұлттық спорт • 20 Наурыз, 2024
«Ұлы дала жорығының» рухани мәні зор
V Дүниежүзілік көшпелілер ойындарының аясында Ұлттық спорт қауымдастығының мүшесі – «Joryq» ат спорты федерациясының мұрындық болуымен елеулі іс-шара өтеді. Ол – биыл үшінші рет ұйымдастырылатын «Ұлы дала жорығы» республикалық марафоны. Ұлттық спорт күні қарсаңында осы жобаның авторы Бақытжан ТҰРЛЫБЕКОВПЕН арнайы кездесіп, республикалық іріктеу жарысына дайындық барысы туралы әңгімелескен едік.
Туризм • 14 Наурыз, 2024
Маңғыстау – еліміздегі туризмді дамытуға әлеуеті зор облыстардың бірі. Осы саланы өрістетуге қолайлы ондыққа кіретін өңірде этнотуризмнің де салмағы басым. Тасын түртсең, тарихты ақтаратын далалық мешіттерді көруге ынтық туристердің шоғыры да қалың. Бірақ жақынды алыс ететін жол азабы сынды инфрақұрылымның ақсауы өңірдің этнотуризмнен түсетін табысын жұқартып тұр.
Қоғам • 12 Наурыз, 2024
Ұлттық статистика бюросының мәліметінше, 0–17 жас аралығындағы мүгедектігі бойынша тіркеуде тұратындардың қатары артып барады. 2010 жылы мүгедек есебінде тіркеуде тұрған балалардың саны 49 349 болса, 2022 жылғы деректе 104 260 адамға жеткен. Төбе құйқаңды шымырлататын цифр. Өкініштісі, жыл өткен сайын ерекше балалардың қатары артқанымен, оларға ем-дом қондырып, медициналық көмек көрсететін оңалту орталықтары тек мегаполистерде ғана бар. Батыстағы өңірлерден баласын бас қалаға, болмаса Алматыға апарып емдету ата-анаға ауыр тиетіні анық.
Әйел әлемі • 08 Наурыз, 2024
Бекзада өнердің ұлығы саналған құсбегіліктің шыққан тегі, түп-тамыры турасында талас тоқтаған емес. Тарихтан ескен аңыздың желісі Жошы ханның 3 мың, хан Абылайдың 500 бүркіті мен 300 қаршығасы, сұңқары болғанын баян етеді. Құбылай ханның саятшылыққа салатын қырандарын баптайтын 10 мың құсбегісі болғаны айтылады. Құсбегілік өнер қазақ қыздарына да қонғанын әйгілеп жүрген арулар шоғыры қалыңдап келе жатқаны қуантады. Құсбегі қазақ қызының ескерткіші құмнан қашалып Еуропа құрлығында қасқайып тұр.
Туризм • 03 Наурыз, 2024
Туризм және спорт министрлігі 2019 жылдан бері топ-10 басым туристік аумақты дамыту бойынша жұмыс атқарды. Содан бері аймақтардың әлеуетін салмақтай отырып тізім ұзарып, туризм кластерін дамытуға таптырмас орындардың қатары екі есеге артты. Енді Премьер-министрдің тапсырмасы бойынша туристік әлеуеті басым 20 аймақтың тізімі шықты.
Сұхбат • 16 Қараша, 2023
Бауыржан Тахауов: Иран құрамасын еңсеру мүмкін болмады
Қытайдың Ханчжоу қаласында өткен ІV жазғы Азия параойындарында отырып ойнайтын волейбол спортынан ұлттық құрама күміс медаль олжалады. Мақсатты меже – Азия параойындарының алтын жүлдесі еді. Бауыржан Тахауов бастаған бапкерлер жігіттерді жани отырып, 1994 және 1998 жылдары жеткен жетістікті қайталауға барын салуға сендірген, бірақ бұйырмады. Білікті маман Жәнібек Сауранбаев баптаған жылдары отырып ойнайтын волейболдан ұлттық құрама ойыншылары (сол кезеңде командада Бауыржан Тахауов та ойнады – ред.) чемпиондық тұғырға екі мәрте көтерілді. Міне, содан кейін арада 25 жыл өткенде жазғы Азия параойындарының финалына шығып, азуы алты қарыс, даңқы жер жарған Иран құрамасына есе жіберді. Ендігі дода – келесі жылы өтетін Париж жазғы паралимпиадасы. Бас бапкермен дидарласып, Азия параойындарында жігіттердің қандай қайрат қылғанын, не жетіспегенін сұрадық.
