Табиғат • 15 Мамыр, 2025
Кеше ғана Бүркіт тауының сілемінде тағы бір барыс фототұзаққа ілініпті. Сонау биікке фотоқұрылғы орнатып жүрген Катонқарағай мемлекеттік ұлттық табиғи паркінің қызметкерлері Ерік Қасымов пен Айдын Шәкеновтердің қуанышында шек жоқ. Осымен Бүркіт шыңында екінші рет қар барысы суретке түскен.
Аймақтар • 09 Мамыр, 2025
Тау қуысындағы шағын ғана ауылдан үш бірдей Кеңес Одағының батыры шыққан. Самар ауданына қарасты Подгорное ауылы сонысымен де ерекше. Иван Яроцкий, Николай Фонов, Сергей Седнев сынды батырларына ауылдың кіреберісінде кеуде мүсіндері мен ерекше композицияда стелла қойылған.
Аймақтар • 01 Мамыр, 2025
Күнделікті тұрмыста пайдаланып жүрген кәдімгі полиэтилен пакеттер Өскеменде тонналап өндіріледі. Сұраныс жоғары. Әсіресе алыс-жақын аудандардағы дүкен иелері бума-бумасымен әкетеді. Иә, қоршаған ортаға зиян дегенімізбен, біз бас сұққан «Bereket» ЖШС-да пайдаланылған ескі пакеттерді де жинап, қайта өңдейді.
Көрме • 24 Сәуір, 2025
Тұрқы бөлек тұлпарлар таңдалды
Шоқтығы биік, қаз мойынды тұлпарлар ауыздықтарын қарш-қарш шайнап, көпшілік көрерменнің алдына шықты. Құйрық-жалдары төгілген бұл сәйгүліктер Өскеменнің іргесіндегі ат спорты клубында өтіп жатқан көрмеге жеткізілген. Бұл жолы жылқылардың ең жүйрігі емес, күтімі мен бітіміне қарай бағаланды.
Өндіріс • 18 Сәуір, 2025
Трансформатор стансалары Өскеменде әзірленеді
Үйді-үйлерді электр қуат көзімен қамту стансалары Өскемендегі «Кэмонт» зауытында жасалады. Атшаптырым аумақты алып жатқан өндіріс ошағында трансформатор стансаларынан бөлек «ақылды электр шамдар», заманауи орындықтар мен жол бойына арналған дәретханалар да құрастырыла бастаған. Атқарылып жатқан жұмысқа қарасақ, тарихы терең зауыттың болашағы да жарқын көрінеді.
Мектеп • 16 Сәуір, 2025
Осыдан төрт жыл бұрын Алтай ауданына қарасты Жаңа Бұқтырма кентінің тұрғындары редакциямызға хабарласып, жалғыз қазақ мектебінің оқушылары тозығы жеткен балабақша ғимаратында оқып жүргенін айтқан еді. Барып мәселені көзбен көрдік, газет бетінде қаузадық. Бұдан соң жергілікті басшылық дереу қолға алып, дайындық жұмыстарына кіріскен. Құрылыс уақтылы аяқталып, күні кеше Жаңа Бұқтырмада жаңа қазақ мектебі ашылды.
Көрме • 15 Сәуір, 2025
Марқакөл өңірінің тумасы, ардагер фототілші Қалиғұмар Қабдешевтің 85 жасқа толу мерейтойына орай Алматыдағы Ұлттық кітапханада жеке көрмесі өтіп, «Бүгінгі фотосурет – ертеңгі тарих» атты фотоальбомының тұсауы кесілді.
Мирас • 11 Сәуір, 2025
Ертеректе төрімізде жататын алашаны, тұсымыздағы тұскиізді кейінгі жылдары музейден көретін болғанбыз. Керексіз болып, қора-қопсыда жатқанын да сан байқағанбыз. Осымен жүн сабап, текемет басатын ісмердің өнері іске алғысыз болып қалады дегендей пікірлер де оқтын-оқтын айтылып қалатын. Шындығында олай емес еді. Ұмыт болып бара жатқан қаншама дәстүріміз қайта жаңғырды. Бозанбай ауылындағы Шәкерман Ошан киіз үйдің жабдығынан бастап, үйдің ішіндегі алаша-сырмаққа дейін өзі басады.
Өндіріс • 09 Сәуір, 2025
Жаңбырлатып суару машинасын шығарады
Алтай ауданының Серебрянка қаласында «Su Bereke» маркалы жаңбырлатып суару машинасын жасайтын жаңа зауыт іске қосылды. Ауыл шаруашылығына қажетті бұл машиналарды жасау жобасының құны 6 млрд теңгені құрап отыр. Жоба аудан экономикасына ғана емес, өңірдің ауыл шаруашылығы саласына тың серпін бермек.
Байқау • 03 Сәуір, 2025
Мәреге он ару шығып, міне-міне үздігі анықталады дегенше көрермендер мен жанкүйерлер тағат таппаған. Қала әкімдігінің қолдауымен өтіп жатқан «Өскемен аруы-2025» байқауы екі аптаға созылып, 30 наурыз күні қорытындысы шықты. Әрине, қазылар үшін ақылына көркі сай аруды анықтау оңайға соқпаған.
