Отбасы • 13 Қыркүйек, 2025
Балтабек Ләтіппайұлы мен Зібайда Зейноллақызы Жахияновтар төрт баладан он бес немере, бір шөбере сүйіп отырған бақытты ата-әже. Елу жылдан бері өмірдің ыстық-суығын қол ұстасып бірге еңсеріп келе жатқан ерлі-зайыптылардың өмір жолы көпке үлгі.
Аймақтар • 11 Қыркүйек, 2025
Ақтөбеде «Шеберлер шеруі» фестивалі аясында республикалық «Бақытты отбасы» ақпараттық-кеңес беру орталығының қолөнер шеберлері заманауи құрақ құрау, киізден бұйымдар жасау, терме алаша тоқу, ши өруден ақтөбелік 200 қыз-келіншекке шеберлік сабақтарын өткізді.
Аймақтар • 05 Қыркүйек, 2025
Хромтау тау-кен техникалық жоғары колледжі – қуатты инфрақұрылымы бар, түлектерінің жұмысқа орналасу көрсеткіші жоғары, халықаралық жобаларға белсенді қатысып, білім беруде жаңашылдық әдістерді енгізген, өндіріс және қолданбалы зерттеулерді шебер ұштастырған оқу орны. 1979 жылдан бері тау-кен саласына мамандар даярлап келе жатқан бірегей кәсіптік оқу орнының жұмысымен танысуға Хромтауға жол тарттық. Оқу орнының тау-кен зертханасын, оқу-кен полигонын аралап, шахта көліктерін басқаруға оқытатын «Boomer – 282» қондырғыларын көріп, ұшқышсыз басқарылатын ұшу жабдықтарын құрастыратын студенттермен жүздесіп, мехатроника және өндірістік автоматика жұмыстарымен танысып қайттық.
Энергетика • 03 Қыркүйек, 2025
ERG «Хромтау» жел электр стансасын іске қосты
Хромтау ауданының Қызылсу ауылдық округінде еліміздегі ең ірі «жасыл» энергетика жобаларының бірі – қуаты 150 мегаватт болатын «Хромтау» жел электр стансасының (ЖЭС) қосылу рәсімі өтті. Салтанатты шараға Ақтөбе облысының әкімі Асхат Шахаров, ERG Директорлар кеңесінің төрағасы, бас атқарушы директоры Шухрат Ибрагимов, Қазақстанның Даму банкі өкілдері, ҚХР Бас консулдығының Ақтөбедегі өкілі қатысты.
Еңбек • 28 Тамыз, 2025
Темір ауданы Жақсымай ауылдық округі бұрынғы мұнайшылар ауылы. 1950 жылдары мұнай өндіру мекемесі ашылғанда Шұбарқұдық кәсіпшілігіне жан-жақтан мұнайшылар келген. Аудан орталығымен арасы жеті шақырым ғана. Бұл жерде мұнайшылар әулетінің бірнеше ұрпағы өніп-өскен. Солардың бірі – Чирковтар әулеті.
Еңбек • 22 Тамыз, 2025
Хромтау ауданында тұратын жеке кәсіпкер Гүлзира Ажығұлова екі жылдан бері қой мен жылқы, сиыр етінен шұжық жасап, сатылымға шығарып келеді. Әу баста әупіріммен басталған іс уақыт өте келе бір ізге түсіп, облыс көлемінде үлкен сұранысқа ие болды.
Жұмыс • 19 Тамыз, 2025
Жәрмеңкеде 248 жұмыс орны ұсынылды
«Ақтөбе қаласының мансап орталығы» филиалы, «Amanat» партиясы жанындағы «Жастар рухы» жастар қанаты және қалалық жастар ресурстық орталығының ұйымдастыруымен Жастар күніне орай бос жұмыс орындары жәрмеңкесі өтті. Оған қатысқан өңірдегі 37 мекеме мен кәсіпорын өкілі 248 жұмыс орнын ұсынды.
Қоғам • 09 Тамыз, 2025
Жасөспірімдерге арналған жазғы лагерь
Жастардың азаматтық ұстанымдарын қалыптастыру, отансүйгіштік сезімдерін нығайтып, тұлғалық дамуына ықпал ету мақсатында Ақтөбе қаласының колледждері мен жоғары сынып оқушыларына арналған «Aqtobe camp-2025» жобасы ұйымдастырылды. Үш күн бойы 50 жасөспірім Мәртөк, Қарғалы, Қобда аудандарын аралап, мемлекеттік органдар мен кәсіпкерлік нысандар жұмысымен танысты, табиғат аясында серуендеп, экологиялық іс-шаралар ұйымдастырды.
Өндіріс • 07 Тамыз, 2025
Арнайы техникаға сұраныс артты
Өңірдегі жер қойнауын пайдаланушы компания өкілдері Ақтөбедегі арнаулы техника шығаруға маманданған «Truck Center» кәсіпорнының жұмысымен танысты. Жылына 300-ден астам көлік құрастырып, сатылымға шығарып отырған кәсіпорын өнімдері индустриялық және сапа сәйкестігі сертификаттарымен расталған.
Экономика • 24 Шілде, 2025
Ақтөбе облысында 2024 жылы қазынаның 16,9 млрд теңгесі игерілмепті. Экономика басқармасының басшысы Нұржан Мақсаттың түсіндіруінше, республикалық бюджеттің қолма-қол ақша бағыттау шотындағы қаржы жетіспеушілігіне байланысты 9,6 млрд теңге аударылмай қалған: «Ауыл аманаты» жобасының 8,6 млрд теңгесі мен жастар кәсіпкерлігін дамытуға арналған 912 млн теңге көлеміндегі бюджет несиесі түспеген. Сондай-ақ әлеуметтік маңызы бар тауарлар тізіміндегі арзан бағадағы қантты жеткізбекші болған жосықсыз мердігер 1,2 млрд теңгені иеленіп, өнімді әкелмеген. Игерілмеген соманың ішінде Ұлттық қордың 136 млн теңгесі, республикалық бюджеттің 15 млн теңгесі, Үкімет резервінің 417 млн теңгесі және жергілікті бюджеттің 6,7 млрд теңгесі бар. Республикалық бюджеттен және Ұлттық қордан Ақтөбе облысына бөлінген нысаналы трансферттің 1,1 млрд теңгесі кері қайтарылыпты.
