Қазақстан • 14 Тамыз, 2023
4G байланыс буыны қазір ел азаматтарының 85 пайызы үшін қолжетімді болып тұр. Ол дәстүрлі байланыстан өзге цифрлық банкингтің лайықты деңгейде жұмыс істеуі үшін және мемлекеттік цифрлық қызметтерді пайдалану үшін қолжетімді. Ал байланыстың бесінші буыны – 5G желісін азаматтардың 15 пайызы тұтынып отыр.
Экономика • 11 Тамыз, 2023
Индустрия және инфрақұрылымдық даму министрлігінің мәлімдеуінше, биыл елімізде 170 өнеркәсіп жобасын іске асыру көзделген. Үшінші тоқсанда Екібастұз маңында жылына 240 мың тонна ферросилиций шығаруға қауқарлы ауқымды өндіріс орнының қызметі жолға қойылмақ. Бұл жыл сайынғы экспорттық табысты шамамен 460 млн долларға ұлғайтуға мүмкіндік беріп, 800 адамды тұрақты жұмыспен қамтуға жол ашпақ. Жоба құны – 92 млрд теңге.
Қаржы • 10 Тамыз, 2023
Мобильді аударыммен төлем жасауға болмайды
Қазір көптеген сауда орнында мобильді аударым арқылы төлем жасау кеңінен таралып тұр. Жеке кәсіпкерлік нысандары да ұсынылған қызметтер мен тауарлар ақысын осы мобильді аударым арқылы алуды жөн көреді. Ендігі ретте төлемді мұндай жолмен жасау – заңға қайшы.
Экономика • 10 Тамыз, 2023
Геосаяси шиеленіс кәсіпкерлікті қалай өзгертті
Украинаға жасаған арнайы әскери операция үшін Ресейге салынған санкциялар бүкіл әлемде, соның ішінде біздің елге қатысты да жеткізу тізбектеріне жағымсыз әсерін тигізді.
Банк • 08 Тамыз, 2023
Қаржы нарығын реттеу және дамыту агенттігі әлеуметтік желілер мен БАҚ-та таратылып жатқан елімізде жұмыс істеп тұрған 9 банкті тарату туралы ақпараттың шындыққа сәйкес келмейтінін хабарлады. Қазіргі уақытта елімізде екінші деңгейдегі 21 банк жұмыс істеп жатыр. Бұдан басқа, яғни аталған екінші деңгейдегі тағы 9 банк – 2007 жылдан бері тарату үдерісінде.
Қаржы • 08 Тамыз, 2023
Дивиденд төлеуден бас тартқан компаниялар
«Қазақстан қор биржасы» АҚ (KASE) сауда-саттық көлемі биыл бірінші жарты жылдықта 157,7 трлн теңгеге жетіп, 2022 жылдың сәйкес кезеңімен салыстырғанда 15,2%-ға немесе 20,8 трлн теңге өсімге ие болған. Ал KASE индексінің мәні 10,9%-ға, 3 604,75 тармаққа дейін артыпты. Жалпы, жыл басынан бері KASE ресми тізіміне 31 эмитенттің 68 атауындағы бағалы қағаздар енгізілді, олардың 13-і алғаш рет листинг процедурасынан өтті.
Қаржы • 08 Тамыз, 2023
Теңге бағамы жыл соңында әлсірейді
Халықтың нақты кірісінің құлдырауы кезінде, биыл екінші тоқсанда еліміздің экономикалық өсім қарқыны 5 пайыз деңгейінде сақталған. Halyk Finance сарапшыларының айтуынша, бұл – кейінгі 10 жылда тіркеліп отырған жоғары көрсеткіш. Өсімнің маңызды драйверлері – мұнай өндірісінің күшеюі, бюджет шығыстарының шамадан тыс артуы, Ресейге реэкспорт, тұтынушылық несиенің жоғары өсімі және өзге де факторлар.
Экономика • 07 Тамыз, 2023
QazIndustry Қазақстандық индустрия және экспорт орталығының хабарлауынша, отандық өнеркәсіп кәсіпорындарынан шығындардың бір бөлігін өтеу жөнінде 200-ге жуық өтінім келіп түскен. 64 өтінім ішкі нарыққа өнімдер мен қызметтерді ілгерілетуге қатысты болса, 132 өтінім – еңбек өнімділігін арттыру жайында.
Экономика • 07 Тамыз, 2023
Биыл жыл басынан шілдеге дейінгі аралықта бейрезиденттердің (бір мемлекетте заңды немесе жеке тұлға саналатын, бірақ басқа елде тұрақты тұратын азамат – ред.) Қаржы министрлігінің мемлекеттік бағалы қағаздарына және Ұлттық банктің ноталарына салған салымдары жиынтықта 559 млрд теңгеге дейін артқан, яғни 178 млрд теңгеге өскен. Бұл – 2022 жылғы наурыздан бергі ең жоғары мән. Бейрезиденттердің ноталарға қатысуы 6 млрд теңгеге, ал Қаржы министрлігінің мемлекеттік бағалы қағаздарына қатысуы 171 млрд теңгеге артыпты.
Экономика • 04 Тамыз, 2023
Бізде жасыл энергетиканы дамыту, газдандыруды жедел жүргізу және көміртегі бейтараптығына қол жеткізу туралы мың мәрте айтылып, сол бағытта ұлан-асыр істер атқарылып жатқанына қарамастан көмір өндірісі кенжелеп қалған емес. Жоғарыда айтылған әдемі бастамалардың әзір жүзеге аса қоймайтынын, көмірдің әлі бізбен ұзақ жыл бірге жасайтынын аңғарамыз. Бүкіл электр энергиясы мен жылудың 70 пайызы көмірмен жұмыс істейтін электр стансаларынан таратылып отыр.
