Атмосфералық фронттардың өтуіне байланысты республиканың басым аумағында жауын жауады. Елдің тек оңтүстік және оңтүстік-батысында сенбі жауын-шашынсыз өтеді. Кей жерлерде жел күшейіп, тұман, көктайғақ күтіледі, деп хабарлайды «Қазгидромет» РМК.
Атап айтқанда, Ақмола, Қостанай, Павлодар облыстарының кей жерлерінде тұман, көктайғақ болып, желдің екпіні 15-20 м/с күшейеді.
Ақтөбе облысының кей жерлерін тұман басып, көктайғақ болады. Күндіз желдің күші 15-20 м/с жетеді.
Жамбыл, Солтүстік Қазақстан, Қарағанды, Шығыс Қазақстан облыстарының кей жерлерінде тұман болады, желдің күші 15-20 м/с артады.
Солтүстік Қазақстан облысының жекелеген аумағында түнде көктайғақ күтіледі.
Қызылорда, Маңғыстау, Атырау облыстарының кей жерлерінде тұман болжанады.
Түнде Алматы облысында, күндіз Оңтүстік Қазақстан, Батыс Қазақстан облыстарында жел 15-20 м/с күшейеді, түнде Алматы облысының кей жерлерін тұман басады.