Алдағы жексенбі күні кәсіпқой бокстың орта салмағында жұдырықтасатын отандасымыз Жәнібек Әлімханұлы мен бірінші орта салмақтағы Мадияр Әшкеев кезекті жекпе-жектерін өткізеді.
Жәнібек Әлімханұлы АҚШ-тың Фресно қаласында өтетін бокс кешінде Нигерияда туып-өсіп, кейіннен Канаданың азаматтығын алған 39 жастағы Альберт Онолуносемен айқасады. Бұл айқаста отандасымыз WBC Continental Americas титулын қорғайды. Қазақстандық көрермендер бұл жекпе-жекті 10 қараша күні «Хабар» телеарнасынан тікелей эфирде көре алады.
Ал Лос-Анджелесте өтетін бокс кешінде Мадияр Әшкеев мексикалық Фернандо Кастанедомен рейтингтік жекпе-жек өткізеді.