Еліміздің бірқатар аймақтарында үсік жүреді

Бүгін еліміздің басым бөлігінде күн ашық болады. Тек батыс пен оңтүстік өңірлердің кей жерлерінде атмосфералық ағымдардың өтуіне байланысты жаңбыр жауып, жел күшейеді. «Қазгидрометтің» мәліметінше, түнде және таңертең кей жерлерде тұман түседі. Солтүстік пен шығыста және орталықта үсік жүруі ықтимал. Шығыс Қазақстан облысының бірқатар аймақтарында күндіз найзағай ойнап, желдің екпіні секундына 15-20 метрге жетеді. Павлодар, Ақмола, Маңғыстау, Қостанай, Солтүстік Қазақстан, Қарағанды облыстарының кей жерлерінде тұман түседі. Қызылорда мен Ақтөбе облыстарында, сондай-ақ түнде және таңертең Жамбыл, Оңтүстік Қазақстан облыстарының кей жерлерінде желдің күші үдей түсіп, секундына 15-20 метрге жетеді. Ақмола, Павлодар, Қарағанды, Шығыс Қазақстан облыстарының бірқатар аймақтарында ауа температурасы 1-3 градусқа дейін төмендеп, үсік жүреді. Оңтүстік Қазақстан облысында және Қарағанды, Жамбыл, Алматы облыстарының басым бөлігінде, сондай-ақ Атырау, Ақтөбе, Шығыс Қазақстан облыстарының кей жерлерінде өрт қауіпі сақталады. Егемен-ақпарат