Теннистен Қазақстан құрамасының қарсыласы белгілі болды

Теннистен Қазақстан қыздар құрамасы Федерация кубогы әлемдік тобының плей-офф кезеңінде Канадамен кездеседі. Бұл туралы vesti.kz хабарлады. Жеребе бүгін, яғни 14 ақпанда тартылды. Ал ойындар 22-23 ақпанда Канадада өтеді. Бұл кездесуде жеңіске жеткен ұжым келер жылы осы турнирде жарысты жалғастыратын болады. Айта кетерлігі, плей-оффта жеңімпаз бес ойыннан кейін барып анықталады. Қазақстан қыздар құрамасы өз тарихында Федерация кубогы әлемдік тобының плей-офф кезеңіне екінші рет шығып тұр. Бұл жолдама үшін отандастарымыз Жапонияны үш матчтың қорытындысы бойынша 2:1 есебімен басым түскен болатын.