БҰҰ Оңтүстік Судандағы жағдайды ашаршылық деп жариялады

БҰҰ Оңтүстік Суданның бірнеше өңіріндегі жағдайды ашаршылық деп жариялады. БҰҰ-ның айтуынша, егер жақын арада мемлекетке гуманитарлық көмек көрсетілмесе, ашаршылықтан 100 мың адам қаза табуы мүмкін, деп хабарлайды ВВС. ЮНИСЕФ-тің айтуынша, Оңтүстік Суданда миллионға жуық тұрғын ашаршылық зардабын тартуда. Ұйымның мәліметіне сенсек, олардың 250 мыңы балалар. Сонымен қатар Оңтүстік Судан халқының 40 пайызы немесе 4,9 млн адам тойып тамақ ішпейді екен. Аталған елдегі ең күрделі жағдай Вахда провинциясында тіркелген. БҰҰ өкілдерінің айтуынша, гуманитарлық ұйымдардың халықтың барлығына көмектесуге мүмкіндігі жетпейді. БҰҰ алты жылда алғаш рет жаппай аштық туралы жариялады. Естеріңізге сала кетсек, Оңтүстік Судан тәуелсіздігін 2011 жылы алған болатын. 1998 жылы Суданның тәуелсіздік үшін күресі барысында-ақ Оңтүстік Судан жерінде бірнеше мың адам аштықтан қайтыс болған. Сол кезде БҰҰ бұрынғы бас хатшысы Пан Ги Мун бұл мемлекетте геноцид болуы мүмкін екенін айтқан еді.