Жариялылықтың айқын көрінісі

Әр елдің дамуы оның институттық негіздерінің берік болуына байланысты. Осыған қатысты қазіргі таңда Қазақстанда конституциялық реформалардың қолға алынып жатқаны мәлім. Бұл шаралардың барлығын еліміздің даму жүйесінің келесі кезеңі деуге болады. Елбасы ұсын­ған бес инс­титут­тық рефор­ма­ның ма­ңызды тар­мақ­тарының бірі ел экономикасын да­мытудың моде­лін жетілдіру мақ­сатында Үкіметке қо­сым­ша өкілет­тік­тер берумен тығыз бай­ла­нысты. Бұл орайда, бір­қа­­тар маңызды өкілеттік Пар­ламент пен Үкімет құзыры­на беріл­мек. Елбасы Жарлы­ғы­мен құрыл­ған мемлекеттік билік тар­мақ­тары арасында өкілеттіктерді қай­та бөлу жөніндегі жұмыс тобы жан-жақты талдау жұмыстарын жүргізіп, оның барысы жайында халықты барынша хабардар етуде. Атқарылып жатқан істі ха­лықтың ашық талқылағаны, халық тарапынан түскен барлық ұсы­ныстардың назарға алын­ғаны елімізде негізгі ше­шімдер азаматтардың та­лап, мүдделерін ес­кере оты­рып қабыл­данатынын көр­сетеді. Мемлекеттік би­лік тар­мақ­тары арасында өкі­лет­тіктер­ді қайта бөлу мәселелері жөнін­дегі жұмыс тобының қоры­тын­ды отырысында мүдделі ұйым­дар мен халық тарапынан келіп түскен ұсыныстар мен ескертулердің ашық талқы­лануы осының айғағы. Қазіргі таңда әлем эконо­микасы жаңа үрдіспен алға жылжып бара жатқандығын ескерсек, елімізде қолға алынып жатқан бұл реформаларды уақыт талабына сай іс-қимыл деуге болады. Конституцияға енгізілетін өзгерістердің ықпалын сезіну алдағы уақыт еншісінде деп ойлаймын. Сонымен, еліміз қазір өткен 25 жылда атқарған істерге баға бере отырып, уақыт сұранысына сай алға қойған стратегиялық мақсаттарға жету жолдарын тағы бір рет саралайтын кезеңді бастан кешуде. Мұндай іс-шаралар тек біздің елде ғана емес, әлемнің басқа мемлекеттерінде де қолға алынуда. Алайда, әр мемлекеттің ондай шараларды жүргізуінің өзіне сай тетігі қалыптасқан. Біздің ойымызша, қазіргі кездегі Жұмыс тобы ұсын­ған өзгерістер алдағы уақыт­та Үкімет пен Парламенттің жауап­­кершіліктерін одан әрі арт­тырып, мем­ле­кеттік биліктің кәсіби деңгейін жоға­ры­латуға оң ықпал ететіні күмәнсіз. Сержан МӘДИЕВ, «Экономикалық зерттеулер институты» АҚ-тың басқарма төрағасы