«Қазақ күресі» федерациясының конгресіне 50 елдің делегаттары қатысады

Астана қаласында Дүниежүзілік «Қазақ күресі» федерациясының конгресі өтеді. Оған Ұлттық федерациялар және дәстүрлі күрес түрлері федерацияларының өкілдері қатысады, деп хабарлайды ҚазАқпарат Конгрестің күн тәртібінде қазақ күресінің жер шарының әр түкпірінде қанат жаюы және келешек даму жолдары қарастырылады. Шараға Америка, Африка, Еуропа және Азия құрлықтарынан жалпы 50 елдің делегаттары, Қазақстан Республикасы Мәдениет  және  спорт министрлігі спорт және дене шынықтыру істері комитетінің қызметкерлері, ұлттық күрестің ардагерлері және белгілі мамандар қатысады. Дүниежүзілік «Қазақ күресі» федерациясының конгресі 13 наурызда Астана қаласындағы «Beijing Palace Soluxe» қонақ үйінде өтеді.