Универсиададан кейін 1,7 мың отбасы үйлі болады

Алматы Универсиаданың арқасында мегаполистің Алатау ауданы әрі қарай даму мүмкіндігіне ие болып отыр. Аталған ауданға 8 жылда құйылған инвестиция көлемі 32 есе артқан. Осыған дейін қаланың шырайсыз шеті саналып келген Алатау ауданы бү­гіндері қала қонақтары мен тұрғындарын өзіне баураған жаңа орталыққа айналып үлгерді. Бұл ауданда Универсиаданың бас­ты нысандары – «Алматы Арена» және Атлеттер ауы­лы орналасқан. «Алматы Аренаға» қол созым жерде 15,6 мың пәтерлік шағын аудан, соның ішінде, «Ескі үйлер» бағдарламасы бойынша 9 қабатты екі үй бой көтерді. Алдағы үш жылда тағы 16 мың пә­­тер­ден тұратын 279 үй салынбақшы. Қысқы Универсиада өткізілген соң, толыққанды әлеуметтік инфрақұрылымы бар Атлеттер ауылы 1,7 мыңнан аса отбасы үшін жай­лы баспанаға айналады. Ат­леттер ауылының 1748 пә­тері әрі қарай сатып алу мүмкіндігімен жал­­­дауға бе­рілмекші. Осылайша, ал­ғашқы сегіз жыл ішінде 15,5 млрд тең­ге мөлшерінде ин­вес­­ти­циялардың 40 пайыз­ға жуығы қайтарылмақ. Бұл Алма­тыдағы баспанаға ке­зек­­ті 10 пайызға азайтуы тиіс. Жаңа тұрғын үй кеше­нінде емхана, супермаркет, банк бөлімшелері мен пош­та, полиция бекеті қызмет көрсететін болады. Бақтияр ТАЙЖАН, «Егемен Қазақстан» АЛМАТЫ