Теннистен Қазақстан құрамасы Жапониядан басым түсті

Теннистен Федерация кубогы Азия/Тынық мұхит елдері зонасының I тобында Қазақстан құрамасы Жапонияны жарыс жолынан шығарып, плей-офф кезеңіне жолдама алды, деп хабарлайды ҚазАқпарат. Юлия Путинцева, Ярослава Шведова, Галина Воскобоева және Камила Керімбаева Астанада өткен іріктеу кезеңінде жеңіске жетті. Топтық кезеңде отандастарымыз Оңтүстік Корея мен Таиланд құрамаларынан айласын асырды. Ал шешуші ойында Қазақстан құрамасы Жапониямен кездесіп, тартысты айқаста 2:1 есебімен жеңіске жетті. Осылайша, теннисші қыздарымыз Федерация кубогының плей-офф кезеңіне жолдама алды. Жерлестеріміз енді 2-ші Әлемдік топтың нәтижесін күтіп, жеребеден кейін өз қарсыласын анықтайды.