3000 метрге кедергілер арқылы жүгіруден Дмитрий Иванчуков күміс жүлдегер атанды. Ол аталған қашықтықты 8:51.54 уақыт көрсеткішінде жүгіріп өтіп, спорт шебері нормативін орындады. Осы қашықтыққа жүгіруден әйелдер арасындағы сында Татьяна Нерознак қола жүлдегер атанды. Татьяна Беларусь спортшыларына есе жіберген. Сондай-ақ Ислам Аманғос 3000 метрге кедергілер арқылы жүгіруден, Виктория Сергеева 5000 метрге жүгіруден 5-ші орын иеленсе, Рақымжан Келманов 8-ші сатыға тұрақтады.
