АҒАЙЫНДЫҚ АУЫРТПАЛЫҚТА СЫНАЛАДЫ

Шығыс Қазақстан облысы Тарбағатай ауданында өткен қыс айларында бұрын-соңды болып көрмеген мөлшерде, жылдағыдан 5-6 есе қалың қар жауып, жайылымдықтар жабылды. Малдың жем-шөбі таусылып, мал шығыны орын алды. Көктем шыға жауған қардың соңы жаңбырға ұласып, малға да, жанға да қолайсыз ауа райы қалыптасты. Қыс бойы қалың жауған қасат қардың наурыз айының ортасында күрт еруі төтенше жағдай қалыптастырып, ауданды мекендеген халықты күйзелтіп отыр. Ауыл-аймақты топан су басты. Бүгінгі күні аудандағы бес елді мекенді су тасқыны алып кетсе, 650 үй, 748 қора-жай, 50 мал қыстағы су астында қалды. Қызылкесік ауылындағы Аякөз қаласымен байланыстыратын көпірді тасқын су құлатып кетсе, Қарғыба ауылындағы көпір бүлінді. 9150 бас ешкі, 1783 бас ірі қара, 513 бас жылқы өлді. Апатты аймақтардан 4 мыңнан астам адам көшірілді. Олар су басқан үйлерінен қолдарына іліккен төлқұжаттарымен, бір қабат киімдерімен ғана шыққан. Үйлері құлады, төрт түлік малы қораларында қараусыз қалды. Аудан тұрғындарына көмек қолын созамын дегендер үшін қайырымдылық есеп-шотының реквизиттерін беріп отырмыз. ДЕМЕУШІЛІК ҚАЙЫРЫМДЫЛЫҚ КӨМЕКТІҢ ЕСЕП-ШОТЫ Тарбағатай ауданы Ақсуат ауылы Абылай хан көшесі, 13-үй Тарбағатай ауданы әкімінің аппараты ММ РНН 510300001259 ИИК 027140933 БИК 195301070 ҚР ҚМ ҚК ШҚО бойынша ҚД Тарбағатай аудандық қазынашылық басқармасы ММ Факс 8 (72346) 2-18-47 e-maіl:tarb_ray_akіmat@maіl.ru