Жыр кітабында ақынның өлеңдері һәм қазақтың ардақты қаламгерлері Әбіш Кекілбаев, Фариза Оңғарсынова туралы мақалалары берілген. Ал партитуралар жинағына автордың әр жылдары жазған таңдамалы әндерінің эстрадалық-симфониялық оркестрге арналған партитуралары мен ноталары енгізіліпті.
«Профи Медиа» баспасынан әрқайсысы 2000 данамен басылып шыққан қос кітап Маңғыстау облысының әкімі Серікбай Өтелгенұлы Трұмовтың қолдауымен жарияланып отыр.
Талантты сазгер ән кітабына жазған алғы сөзінде: «...Менің ғұмырым – Сағыныш. Кімді?.. Нені?.. Не үшін?.. Білмеймін. Бірақ кеудемді үнемі сағыныш кернейді де тұрады...
Сол сағыныштарымның саз-үнін осы кітап жеткізгей...» дейді. Автордың сағынышқа толы сазды әуендері әр қазақтың жүрек түкпірінде сақталған.
Ақын шығармашылығына зор табыс тілейміз.
