Жол-көлік оқиғасы қаланың Октябрь ауданындағы Попова көшесінде болған. 51 жастағы жедел жәрдем жүргізушісі шақыртуға асығып бара жатқан. Ол 15-ші тас жолдан отыз метр қашықтықта жаяу жүргінші жолында тұрған 71 жастағы ер адамды қағып кетеді. Соққы күшті болғаны сонша, ер адам алған жарақаттарынан сол жерде қайтыс болды.
"Аталған факті бойынша ҚР Қылмыстық кодексінің 345-бабы 3-бөлігі, "Жол ережесін бұзу, адамның абайсызда өліміне әкеп соқтыруы" бойынша қылмыстық іс тіркелді. Тиісті сараптамалар тағайындалды. Тергеу амалдары жүргізілуде", деп хабарлады Қарағанды облысының Полиция департаменті қызметкерлері.
