Фото: Ашық дереккөз
Сенаторлардың пікірінше, көлік жүргізу құқығынан айырылған жүргізушілердің амнистияға ілігу мүмкіндігі бар. Дегенмен кейбіреулері бұған қарсы. Мәселен, Сенат депутаты Марат Қожаев бұл идеяны қолдамайтынын атап өтті.
«Мүмкін, білмеймін. Бұл талқыланып жатқан тақырып. Мен жеке бұл жағдайды қолдамаймын, ондай бастама көтермеймін. Бірақ Парламентте шешім көбіне дауыс беру арқылы қабылданады», деді ол.
Президенттің соңғы мәлімдемесіне сәйкес, ел тарихында бірінші рет әкімшілік амнистия осы жылы өтуі тиіс. Дегенмен ІІМ әзірге егжей-тегжейлі ақпарат бермей отыр. Полиция мен Бас прокуратураға кімнің амнистияға ілігетінін анықтау үшін 2 апта уақыт берілген, ал соңғы шешімді Парламент қабылдайды.
Сенатор Марат Қожаевтың айтуынша, қазіргі уақытта бұл тақырып бойынша пікір айту әлі ерте, себебі ерте жарияланған ақпарат қате үміттер мен жаңсақ түсініктер тудыруы мүмкін.
Автокөліктер азаюы қажет: Экологтар алматылықтарға үндеу жасады
