8 қараша күні Жезқазған қалалық Полиция басқармасының патрульдік полиция ротасының қызметкерлері теміржол өткелдерінің маңында іс-қимылдары күдік тудырған екі азаматты байқаған.
Аталған азаматтар полиция қызметкерлерін көре салысымен оқиға орнынан қашпақшы болған. Алайда полиция қызметкерлері күдік тудырған азаматтарды ұстап, Полиция басқармасына жеткізген.
Мән-жайды анықтау барысында олардың теміржол рельстерін ұрлап, металл қабылдау орнына өткізбекші болғаны белгілі болды. Ұрлық жасауға оқталу бойынша қылмыстық іс қозғалып, тергеу амалдары жүргізілуде.
