Облыстық жер ресурстарының пайдаланылуы мен қорғалуын бақылау басқармасының басшысы Гүлзия Құрманованың мәліметінше, мемлекет меншігіне қайтарылған жер учаскелерінің жалпы аумағы 2 мыңнан астам гектарды құрайды.
«Биыл мерзімінде игерілмегені үшін 10 жер учаскесі кері қайтарылды. Ал, 51 жеке және заңды тұлға әкімшілік жауапкершілікке тартылып, жалпы сомасы 8 833 642 теңге айыппұл салынды. Сондай-ақ, жер заңнамасын бұзушылықтарды жою туралы 51 ұйғарым берілді. Қазір бюджетке 6 700 142 теңге ерікті түрде төленді» дейді Гүлзия Құрманова.
