Бұл туралы ҚР Сыбайлас жемқорлыққа қарсы іс-қимыл агенттігінің аса маңызды істер жөніндегі тергеушісі Қайсар Баржақсынов мәлім етті.
«28 қыркүйекте Глубокое аудандық сотының үкімімен Шығыс Қазақстан облысы Глубокое ауданы әкімінің орынбасары Қимасов 3 жылға бас бостандығынан айырылды. Ол аудандық тұрғын үй-коммуналдық шаруашылығы бөлімімен аудандық маңызы бар жолдарды күтіп ұстау бойынша мемлекеттік сатып алу шартына қосымша келісім жасағаны және орындалған жұмыстар актілеріне кедергісіз қол қойғаны үшін кәсіпкерден 500 мың теңге сомасында пара алды деген күдікке ілінді. Қимасов өмір бойы мемлекеттік қызметте қызмет атқару құқығынан айырылды», деді тергеуші.
