Барлық ойындар бүгін, 24 қазанда өткізіледі.
Аталған турда жанкүйерлер 15:00-де басталатын «Қайрат» пен «Астана», «Тобыл» мен «Шахтер» ойындарына көз тігеді.
Қазір «Астана» мен «Тобыл» командалары чемпиондыққа талас жүргізіп келеді. Осылайша, бүгін алтын медальдың тағдыры шешілуі мүмкін.
Айта кетсек, «Қайрат» биылғы біріншіліктің қола жүлдегері атанды. Дәл осы уақытта «Тараз» бен «Ордабасы», «Атырау» мен «Қызылжар», «Тұран» мен «Ақтөбе» өзара шеберлік байқасады.
«Каспий» мен «Ақжайық» жасыл алаңға 17:00-де шықса, аталған турды «Қайсар» мен «Жетісу» командалары 19:00-де түйіндейді.
24-тур нәтижесі бойынша 56 ұпаймен «Астана» көш бастап келеді. Одан кейінгі орындардағы «Тобылдың» - 55, «Қайраттың» - 47 ұпайы бар.
