Алматыда Ғ.Мүсірепов атындағы балалар және жасөспірімдер театрының төрінде Тәуелсіздіктің төл басылымы, отандық медиа кеңістігінде өз орны, қалыптасқан өз қолтаңбасы бар халықаралық саяси апталық – «Түркістан» газетінің жиырма жылдық мерейтойы жоғары деңгейде атап өтілді.
Жиынды ашқан газеттің бас редакторы Шәмшидин Паттеев газеттің шығуына мұрындық болған марқұм, белгілі жазушы, драматург Қалтай Мұхамеджанов пен қазақ әдебиетінің заңғар жазушысы Әбдіжәміл Нұрпейісовтің еңбегін айта келіп, бүгінде газет Қазақстанның тәуелсіздігін, Қазақстанның мемлекеттілігін, қазақтың, түркінің жоғын іздеген басылымның бірі болғанын, соңғы бес жылда газет «Нұр Отан» партиясымен серіктестікте бірге жұмыс істеп келе жатқанын жеткізді.
– Мен үшін тәуелсіздігіміздің алтын бесігі әсем Алматыда осындай мерекенің үстінде өздеріңіздей ұлт зиялылары – аға буынмен жүздесу үлкен мәртебе. Өйткені, жиырма жыл абыроймен жұмыс атқарып, тәуелсіздік жылнамасын жасауға атсалысып, биыл елмен бірге он бес жылдығын тойлап отырған партиямен бірге жасап келе жатқан «Түркістан» газетінің мерейтойы тек басылымның ғана емес, жалпы қазақ баспасөзінің қуанышы дер едім, деп сөз бастаған «Нұр Отан» партиясы Төрағасының бірінші орынбасары Бауыржан Байбек, одан әрі «Нұр Отан» партиясы үшін БАҚ-пен тығыз байланыста болып, өзара ынтымақтасу өте маңызды екенін, бұл ретте «Нұрмедиа» тобына қарасты ақпарат құралдарын заман талабына сай дамыту, қазақ тілді оқырманның қажетін қамту мәселесі айрықша басымдыққа ие болатынын тілге тиек ете кетті.
Сондай-ақ, торқалы тойға арнайы келген қонақтар – Байланыс және ақпарат агенттігі төрағасының орынбасары Алтай Әбибуллаев, Мәдениет министрінің орынбасары Асқар Бөрібаев, Ұлттық ғылым академиясының президенті, академик Мұрат Жұрынов, «Егемен Қазақстан» республикалық газеті» акционерлік қоғамының президенті Сауытбек Абдрахманов, халықаралық Қазақ ПЕН-клубының президенті, «Central Azia Monitor» газетінің бас редакторы Бигелді Ғабдуллин өз тілектерін білдірді.
Кеште жария етілген Премьер-Министр Кәрім Мәсімовтің, Парламент Сенатының Төрағасы Қасым-Жомарт Тоқаевтың, Мәжіліс Төрағасы Қабиболла Жақыповтың, Астана қаласының әкімі Иманғали Тасмағамбетовтің атынан келген құттықтаулар басылымның беделін арттыра түсті. Бірқатар облыстық әкімдіктердің, жоғары оқу орындарының өкілдері де келіп құттықтады.
«Түркістан» газеті мерейтойға орай Алаш арыстары аңсаған Тәуелсіздік тақырыбына арнайы бәйге жариялаған болатын. Осы кеште «жүзден жүйрік, мыңнан тұлпар» озып шыққан жүлдегерлер де марапатталды.
Әдемі кешті қазақтың аса көрнекті қаламгері, халық жазушысы Әбдіжәміл Нұрпейісов:
– Біз бүгін түркі әлемінің рухына тағзым етуге келіп отырмыз. Біз ұмытыла жаздаған ұғымды «Түркістан» газетін ашып, тірілтіп алдық. Сол арқылы жоғалтып бара жатқан рухымызбен қауышқандай болып қуандық, – деген ақсақалдық сөзімен қорытты.
Кештің өн бойында Қазақстанның өнер майталмандары күмбірлетіп күй төгілтіп, әннен шашу шашты.
Жазар көбейсін, қаламдарыңыз мұқалмасын, той құтты болсын, әріптестер!
Гүлзейнеп СӘДІРҚЫЗЫ,
«Егемен Қазақстан».
Суретті түсірген Мақсат ҚҰСАЙЫНОВ.
– Мен үшін тәуелсіздігіміздің алтын бесігі әсем Алматыда осындай мерекенің үстінде өздеріңіздей ұлт зиялылары – аға буынмен жүздесу үлкен мәртебе. Өйткені, жиырма жыл абыроймен жұмыс атқарып, тәуелсіздік жылнамасын жасауға атсалысып, биыл елмен бірге он бес жылдығын тойлап отырған партиямен бірге жасап келе жатқан «Түркістан» газетінің мерейтойы тек басылымның ғана емес, жалпы қазақ баспасөзінің қуанышы дер едім, деп сөз бастаған «Нұр Отан» партиясы Төрағасының бірінші орынбасары Бауыржан Байбек, одан әрі «Нұр Отан» партиясы үшін БАҚ-пен тығыз байланыста болып, өзара ынтымақтасу өте маңызды екенін, бұл ретте «Нұрмедиа» тобына қарасты ақпарат құралдарын заман талабына сай дамыту, қазақ тілді оқырманның қажетін қамту мәселесі айрықша басымдыққа ие болатынын тілге тиек ете кетті.
Сондай-ақ, торқалы тойға арнайы келген қонақтар – Байланыс және ақпарат агенттігі төрағасының орынбасары Алтай Әбибуллаев, Мәдениет министрінің орынбасары Асқар Бөрібаев, Ұлттық ғылым академиясының президенті, академик Мұрат Жұрынов, «Егемен Қазақстан» республикалық газеті» акционерлік қоғамының президенті Сауытбек Абдрахманов, халықаралық Қазақ ПЕН-клубының президенті, «Central Azia Monitor» газетінің бас редакторы Бигелді Ғабдуллин өз тілектерін білдірді.
Кеште жария етілген Премьер-Министр Кәрім Мәсімовтің, Парламент Сенатының Төрағасы Қасым-Жомарт Тоқаевтың, Мәжіліс Төрағасы Қабиболла Жақыповтың, Астана қаласының әкімі Иманғали Тасмағамбетовтің атынан келген құттықтаулар басылымның беделін арттыра түсті. Бірқатар облыстық әкімдіктердің, жоғары оқу орындарының өкілдері де келіп құттықтады.
«Түркістан» газеті мерейтойға орай Алаш арыстары аңсаған Тәуелсіздік тақырыбына арнайы бәйге жариялаған болатын. Осы кеште «жүзден жүйрік, мыңнан тұлпар» озып шыққан жүлдегерлер де марапатталды.
Әдемі кешті қазақтың аса көрнекті қаламгері, халық жазушысы Әбдіжәміл Нұрпейісов:
– Біз бүгін түркі әлемінің рухына тағзым етуге келіп отырмыз. Біз ұмытыла жаздаған ұғымды «Түркістан» газетін ашып, тірілтіп алдық. Сол арқылы жоғалтып бара жатқан рухымызбен қауышқандай болып қуандық, – деген ақсақалдық сөзімен қорытты.
Кештің өн бойында Қазақстанның өнер майталмандары күмбірлетіп күй төгілтіп, әннен шашу шашты.
Жазар көбейсін, қаламдарыңыз мұқалмасын, той құтты болсын, әріптестер!
Гүлзейнеп СӘДІРҚЫЗЫ,
«Егемен Қазақстан».
Суретті түсірген Мақсат ҚҰСАЙЫНОВ.
