«Бүгіннен бастап Қазақстанның бүкіл өңірлерінде қабылдау комиссиясы құжат қабылдауды бастады. Жергілікті жоғары оқу орындарының және ұлттық тестілеу орталығының өзінде құжаттар қабылдануда. Науқан бүкіл ЖОО негізінде ұйымдастырылған. Кез келген талапкер құжаттарын оқу ордасына барып немесе онлайн түрде тапсыруға мүмкіндік ұсынылып отыр. Zoom, Teams платформалары, телефон арқылы тапсырып, құжаттарын поштамен жолдауына болады», деді С.Нұрбек.
Оның айтуынша, биыл бакалавр мен магистратураны қоса алғанда 88 111 грант бөлінген. Бұл өткен жылмен салыстырғанда 16%-ға көп. Олардың ішінде 73 мыңы бакалавриат мамандықтарына арналған.
«Биылғы жылдың ерекшелігі – Президент тапсырмасына сәйкес басымдық техникалық-инженерлік мамандықтарға беріліп отыр. Яғни, аталған бағытқа 60% грант бөлінді», деді министр.
