Павлодар облысында маман тапшылығы еуразиялық интеграция аясында шешімін табады

АСТАНА. 27 мамыр. Павлодар облысы кәсіпорындарында жоғары білікті мамандар тапшы. Осы олқылықты Ресей мен Беларусь елдерінен мамандар тарту арқылы жоюға мүмкіндік бар.  Орталық коммуникациялар қызметінде өткен брифингте Павлодар облысы әкімінің бірінші орынбасары Дүйсенбай Тұрғанов осылай деді. Бұл туралы primeminister.kz хабарлады. Д.Тұрғанов: «Кеден одағы құрылғанға дейін облысымыздағы 8 кәсіпорын Ресейден жоғары білікті мамандар тартқан болатын. Бүгінде бұл көрші елдің мамандарына жүгініп отырған кәсіпорындардың саны 16-ға жетті», – деді. Сондай-ақ, ол өңірде индустриаландыру картасы бойынша жаңа химиялық, мұнай-химиялық, фармацевтикалық, металлургиялық, машина жасау кәсіпорындары салынуда, алайда, бүгінде осыған байланысты білікті мамандар жетіспеушілігі байқалып отырғанын атап өтті. Жолдыбай Базар. Дереккөз: primeminister.kz. Фото: primeminister.kz.