Қазақстан • 07 Сәуір, 2024

Ерлікпен қаза тапқан 17 сарбазды еске алу рәсімі өтті

287 рет
көрсетілді
1 мин
оқу үшін

Осыдан тура 29 жыл бұрын 7 сәуірде Памир тауындағы Пшихавр шатқалында бес сағатқа созылған қарулы қанды қақтығыс кезінде ішкі әскердің 17 жауынгері ерлікпен қаза тауып, 33-і ауыр жарақат алды. Содан бері жыл сайын 7 сәуір – Ерлік күні болып саналады. Қазақстан батальонының құрамында тәжік-ауған шекарасын күзеткен шекарашылар қаза тапқан жауынгерлердің есімін ұлықтауды дәстүрге айналдырған.

Ерлікпен қаза тапқан 17 сарбазды еске алу рәсімі өтті

ҰҚК Шекара қызметі Алматы облысы бойынша департаментінің Қарасай ауданы бойынша шекара басқармасының жеке құрамы тәжік-ауған шекарасының ардагерлерімен бірге 7 сәуірде ерлікпен қаза тапқан Ұлттық ұланның 17 сарбазын еске алды. 

Іс-шарада сөз сөйлеген запастағы полковник Серік Жағабаев сол жылы Тәжікстанның шекарасын күзетуге аттанған 7-нші ротаның дәрігері болып тағайындалған болатын. Шекарашы сардар Пшихавр шатқалында бес сағатқа созылған қарулы қанды қақтығыс туралы өзінің естеліктерімен бөлісті.   

Іс-шара барысында ардагерлер мен шекара басқармасының жеке құрамы аталған қаза тапқан жауынгерлерге арналған ескерткішке гүл шоқтарын қойды. Ерлікпен қаза тапқан 17 сарбаздың рухтарына тағзым етті.

ҰҚК

ҰКҚ

ҰҚК

Сондай-ақ Ерлік күніне орай өткізілген іс-шаралар департаменттің Райымбек ауданы бойынша шекара басқармасында да өз жалғасын тапты.


Тамара ДӘУЛЕТБАЕВА,

ҰҚК Шекара қызметінің запастағы подполковнигі