Аймақтар • 09 Сәуір, 2024

СҚО-да 219 елді мекен су астында қалуы мүмкін

71 рет
көрсетілді
1 мин
оқу үшін

Солтүстік Қазақстан облысы әкімінің орынбасары Қанат Дүзелбаев өңірдегі су тасқынына байланысты жағдай күрделі екенін айтты, деп хабарлайды Egemen.kz.

СҚО-да 219 елді мекен су астында қалуы мүмкін

Фото: Елена Бережная

Қанат Дүзелбаевтың айтуынша, облыстағы күрделі жағдайды тұрақтандыру мақсатында кеше, 8 сәуір күні Қорғаныс министрлігінен қосымша 313 әскери қызметші жұмылдырылды.
«Сергеев су қоймасының сыйымдылығы 182%-ға жетті. Есіл өзенінің жағалауында кептеліс жоқ. Су қоймасына аққан су 425 сантиметрді құрады. Сондықтан 3 аудан мен Петропавл қаласын су басу қауіпі төніп тұр», деді әкім орынбасары.

Оның айтуынша, жағдай бақылауға алынды. Бірақ 220-ға жуық елді мекен су астында қалуы мүмкін.

«Қар жамылғысы 30%-ға дейін жетеді. Әлі де 219 елді мекенді су басу қауіпі жоғары. Қазірдің өзінде 40 үйдің 13-ін су басып қалған. 286 адам эвакуацияланып, 44 адам үйлеріне қайтарылды. Тағы 111 үйдің маңын су басты», деп түсіндірді Қанат Дүзелбаев.
 Айта кетейік, бүгін, 9 сәуірде Тайынша ауданында өтемақы төлеуге өтініштер қабылдана бастады.