Жоба аясында Қарағанды облысы, Абай ауданы, Дубовка ауылында қуаттылығы жылына 1 миллион тоннаға дейін металлургиялық кокс өндіретін кәсіпорын салу көзделген.
Жалпы жеке инвестиция көлемі 63,5 млрд теңгені құрайды. Сонымен қатар кәсіпорында 500 тұрақты жұмыс орны ашылады, ал жерасты шахтасының құрылысы қосымша 500 жұмыс орнын қамтамасыз етеді.
Жоба көмір шикізатын терең өңдеуді дамытуға, жоғары қосылған құны бар өнім шығаруға және Қазақстанның өнеркәсіптік әлеуетін арттыруға бағытталған. Өнім металлургия, энергетика, ауыл шаруашылығы және фармацевтика салаларында кеңінен қолданылады.
«Зауыт құрылысы көмір шикізатын терең өңдеуді дамытуға, жоғары қосылған құны бар өнім шығаруға және Қазақстанның өнеркәсіптік әлеуетін нығайтуға бағытталған. Көмір химиясы өнімдері энергетика, ауыл шаруашылығы, металлургия, фармацевтика және басқа да салаларда кеңінен қолданылады. Ішкі нарық толық қамтылған соң, артық өнім экспортқа шығарылады», делінген хабарламада.
Радиоактивті қалдықтармен жұмыс істейтін ұлттық оператор институты құрылады
Алғашқы кезеңде зауыт жылына 500 мың тонна кокс өндіреді, ал 2031 жылға қарай толық қуатқа шығуы жоспарланып отыр. Сондай-ақ инвестор құрылыс барысында отандық өндірушілердің тауарларын, жұмыс күшін және қызметтерін пайдалануға басымдық беруге міндеттеме алады.
Еске сала кетейік, бұған дейін маркетплейстерге «Қазақстанда жасалған» белгісі бар отандық тауар таңбасын енгізу міндеттелген болатын.
Нұрболат АМАНБЕК
