Аймақтар • 20 Сәуір, 2024

Алматы облысында зиянкестерді жою жұмыстары жалғасып жатыр

113 рет
көрсетілді
1 мин
оқу үшін

Көктем келіп, көк көтерілгелі Ағанас жазығын сары түске бояған шытыргүлдер жолаушылардың қызығушылығын тудырған болатын. Бірақ, ол көрініс көпке бармады. Бұл алқапты шытыргүлділердің жапырақ жемірі аталатын  құрт жайлап, ауыл тұрғындары мен шаруашылық иегерлерін аяғынан тік тұрғызды. Ауыл азаматтарын алаңдатқан зиянкестірді жою жұмыстары бүгінде қарқынды жүргізіліп жатыр, деп жазады Egemen.kz.

Алматы облысында зиянкестерді жою жұмыстары жалғасып жатыр

Қарабұлақ ауылдық округіне қарасты Ақай Нүсіпбеков ауылындағы егіс алқабына облыстық аумақтық инспекциясы басшысының орынбасары Дархан Кәрібайұлы, Өсімдіктерді қорғау және карантин ғылыми зерттеу институтының энтомологы Ізбасар Исатайұлы келіп, жайылған құрттың экономикалық зиянды шектік деңгейден асатынын айтып өтті.

Құрт қаптаған өңірге арнайы келген Кеген ауданының әкімі Нұрбақыт Молдахметұлы мен жауапты сала басшылары ауыл халқымен жүздесіп, зиянкесті жоюға қатысатын азаматтарға дәрі бүріккіш құрылғылар мен арнайы қорғаныш киімдерді табыстады.

Улау шарасына Қарабұлақ, Жалағаш ауылдық округтерінің әкімдері мен 137 шаруа қожалығының өкілдері жиылып, егіс алқабындағы қаптаған құрттың көзін жоюға жұдырықтай жұмылды.

Алқапты жайлаған құртты улау жұмысына үш трактор, бір штангалы бүрккіш агрегат қатыстырылды, сондай-ақ тұрғындардың қол қусырып қарап тұрмай, дәрі бүріккіш құрылғылармен де жабыла қимылдауының нәтижесінде үш күннің ішінде 7 гектар  аймаққа «БИ-58» препараты себілген. 

Соңғы жаңалықтар

Қаламгер һәм қайраткер

Қоғам • 25 Мамыр, 2024

Жеңіл табыс жерге қаратады

Қоғам • 25 Мамыр, 2024

Микроқаржы сергелдеңі

Қаржы • 25 Мамыр, 2024

Болмысы биік тұлға

Тағзым • 25 Мамыр, 2024

БАҚ пен тіл

Сұхбат • 25 Мамыр, 2024

Тасқын су толастамай тұр

Аймақтар • 25 Мамыр, 2024