«НұрОтан» партиясы Шығыс Қазақстан облыстық филиалында ауыс-түйіс болды

ӨСКЕМЕН. 6 қаңтар. «Нұр Отан» партиясы орталық аппаратының келісімімен «Нұр Отан» партиясы Шығыс Қазақстан облыстық филиалы төрағасының бірінші орынбасары болып Нұрлыбек Шерубаев тағайындалды. Бұл туралы egemen.kz тілшісі хабарлады. Нұрлыбек Шерубаев Семей зоотехникалық-ветеринарлық институтын зооинженер, С.Аманжолов атындағы Шығыс Қазақстан мемлекеттік университетін құқықтану, Халықаралық бизнес университетін мемлекеттік және жергілікті басқару мамандықтары бойынша тәмамдаған. Еңбек жолын бұрынғы Таврия ауданынан бастаған. Әр жылдары «Асар» республикалық партиясы қоғамдық бірлестігі облыстық филиалының хатшысы, Аягөз, Глубокое аудандарының әкімі, облыс әкімінің бас инспекторы, сондай-ақ, Өскемен қаласы әкімі аппараты мен облыс әкімі аппаратының жетекшісі қызметтерін атқарды. Ол осы тағайындау алдында облыс әкімінің орынбасары қызметінде болған. Думан Анаш. Дерек: egemen.kz. Сурет: Шығыс Қазақстан облыстық ақпарат орталығы.