Қоғам • 17 Мамыр, 2024

Қаржы пирамидасын ұйымдастырған күдікті Грузиядан экстрадицияланды

44 рет
көрсетілді
1 мин
оқу үшін

Қазақстан Республикасының Бас прокуратурасы және Ішкі істер министрлігінің қызметкерлері Сыртқы істер министрлігінің көмегімен қаржы пирамидасын құрғаны және басқарғаны үшін қылмыстық жауаптылыққа тарту мақсатында күдіктіні Грузиядан экстрадициялады, деп хабарлайды Egemen.kz.

Қаржы пирамидасын ұйымдастырған күдікті Грузиядан экстрадицияланды

Фото: azattyq-ruhy.kz

«Оның құрған қылмыстық тобы 2020 жылы Маңғыстау облысында «Plus Capital» қаржы пирамидасын ұйымдастырып, 600-ден астам салымшының жалпы сомасы 3 млрд теңгеден астам ақшалай қаражатын, жылжымалы және жылжымайтын мүліктерін заңсыз иемденген. Қылмыстық топ мүшелерінің бір бөлігі түрлі жаза түрлеріне сотталды, ал күдікті қылмыс жасағаннан кейін жасырынған, соған байланысты халықаралық іздестіруге жарияланды», делінген хабарламада.

Айта кетейік, 2023 жылғы қарашада ол Грузия аумағында ұсталды. Қазіргі уақытта күдікті Ақтау қаласындағы уақытша ұстау изоляторына қамалды.

Бас прокуратураның хабарлауынша, осы қылмысты жасағаны үшін оның мүлкі тәркіленіп, белгілі бір лауазымдарды атқару құқығынан өмір бойына айыра отырып, 7 жылдан 12 жылға дейінгі мерзімге бас бостандығынан айыру түріндегі жаза қарастырылған.  

Соңғы жаңалықтар